PATAY ang usa ka driver sa motorsiklo human sa bangga nga nahitabo niadtong Dominggo sa Sayre Highway, Purok-4, Barangay Laguitas, Malaybalay City.
Kini gikalambigitan sa usa ka RTMI bus ug duha ka mga motorsiklo.
Ang RTMI bus gimaneho ni Francisco I. Pascua Jr., 33, minyo, taga P-5, Estern Wao del Sur, samtang ang driver sa motorsiklo nga Suzuki Raider gimaneho ni Wilfredo F. Vergara, 57, minyo, taga P-1, Patag, Bagontaas, Valencia City.
Ang usa ka motorsiklo wala maila dihang misibat human sa sa hitabo.
Sa imbestigasyon sa kapulisan sa Malaybalay City Police Station, nasuta nga miagi sa dalan sa southbound lane ang bus ug motorsiklo sa wala maila samtang inner lane ang gimaneho ni Vergara.
Kalit miovertake si Vergara sa duha, hinungdan nga nasangit sa likod sa bus ang motorsiklo himungdan didto milahos sa kilid ang mga motorsiklo ug maayong pagkahampas sa driver.
Si Vergara nagrabehan sa pagkabunal gidali pagdala sa Bukidnon Provincial Medical Center apan gideklarar dead on arrival.
Ang driver sa bus detinado karon sa Malaybalay City Police Station.