NAGPAHIMANGNO karon ang buhatan sa Provincial Health Office (PHO) nga dili lang usa kaayo mag-panic buying og face mask.
Gibutyag ni PHO head Dr. Jerie Calingasan nga mabasol mismo ang Department of Health gumikan kay hangtod karong panahona, dili na makapagawas og level sa kadaot nga hatod sa 2019 novel coronavirus (2019-nCoV).
"The DOH never came out with the levels of dangers of this nCoV. There should be a level of danger. Why? Because you will be using your mask already," matud ni Calingasan.
"Maoy hinungdan ga panic buying ang katawhan sa pagpamalit og face mask tungod sa walay saktong level sa danger niini," dugang niini.
Gikwestyon usab niini nga kung moabot ang panahon nga kinahanglanon na ang paggamit og mask, asa kini kuhaon nga karon pa lang wala na may mapalit ang katawhan.
"No came out to the level because you will be using it. Dawbi kung ipaabot mandatory ang paggamit sa mask, where will you get them? Maghulat kamo kung moingon na si Governor Bambi mandatory use of mask," matud ni Calingasan.
Ang ilang gipagawas ug gihimo karon nga kamandoan mao ang pag-aghat lamang sa katawhan nga magbinantayon ug kadtong nakasinati na daan ug pag-ubo mas dali ra ang makaptan, hinungdan mahimo mogamit og mask aron maprotektahan ang tapad niini.
Sa Laguindingan Airport, lakip pantalan sa Tagoloan ang butangan og thermometer scanner aron masuta kung ang langyaw nga moabot sa lalawigan aduna bay hilanat ug kung adunay gibati ipaubos dayon sa 14 diyas nga quarantine.
Giklaro sab ni Calingasan kung unsay paagi sa pagkataptan niini.
"How this is transmitted? This is not transmitted airborne. Wala sa kahanginan. It is droplet infection. Pag-ubo pag naa mo nCoV, how far until three to four meters away," pasabot niini.
Mas daghan usab mataptan sa mga lugar nga mga bugnaw.
"It doesn't tried beyond 6th degrees centigrade. Didto sa bugnaw. It is also killed in 20 degrees centigrade which we have in the province," butyag niini.
Kinahanglan lamang ang himsog nga immune system, inom og Vitamin C ug pag-inom ug daghang tubig ug dili usa maglangyaw sa laing nasod labina kini nga virus gikonsidera na nga Global Health Emergency.
"When you say it is a virus, there is no treatment. Dili pareha sa bacterial nga naa tay antibiotic. When it is called virus, it is self limiting. Moabot ra ang panahon nga maulian just like dengue has no treatment. Supportive tanan ato gabuhaton, so with this kind of virus today," matud ni Calingasan.
Gipaabot sab niini mga kinahanglan sab maghulat sa advisory gikan sa gobernador.
"Let me remind you, boost your immune system, stay away from crowded places, and hand washing. It is a very simple hygiene technique kay kining nCoV kung maluwa siya, mahanginan siya, mabuhi siya but because we have the sunlight, mamatay siya in five minutes," pasabot niini.