HUMAN sa pagnukos-nukos sa atong nasudnong kagamhanan kon angayan bang did-an nga makasulod ang mga Chinese national ug ubang mga tawo nga gikan sa China gumikan niining makalilisang nga balatian, ang 2019 Novel Corona virus acute respiratory disease, nakahukom na gyud nga mo-imponer og temporary ban ang atong kagamhanan. Sa kamanduan ni Presidente Rodrigo Duterte pinaagi ni Executive Secretary Salvador Medialdea nunot usab sa rekomendasyon sa Department of Health ug sa Inter-agency Task Force for the Management of Emerging Infectious Diseases, naglatid niining mosunod.
1) Temporary banning the entry of any persons regardless of nationality except Filipino citizens and holders of Philippine Government Visa issued by the Philippine Government, directly coming from China and Special Administrative Regions.
2) Temporary banning the entry of any person regardless of nationality except Filipino citizens and holders of Permanent Resident Visa issued by the Philippine Government who within 14 days immediately preceding arrival in the Philippines has been to China and its Special Administrative Regions.
3) A mandatory 14 days quarantine for Filipinos and Permanent Resident Visa holders coming from any place in China and its Special Administrative Regions. 4) Temporary ban on Filipinos from travel to China and its Special Administrative Regions; 5) Establishment of a repatriation and quarantine facility.
Naa ra man diay ni. Nganong nagpanukos-nukos man ang atong kagamhanan sa pagkab-ot niining maong baruganan niadtong unang mga adlaw sa pagtumaw ning maong virus? Buot bang ipasabot nga mas nabalaka ang atong kagamhanan sa mamahimong diplomatic implications? Makasabot man sab siguro ang China niini.
Well, naa na man ni. Ato na lang huwaton kon unsa ang mamahimong reaksiyon sa China niini. Kon makigputol ba sila sa atong foreign and diplomatic relations gumikan niini. Sila may nagdala aning maong matang sa sakit. (bobbygnalzaro@gmail.com)