SUPERBALITA DAVAO

Hari sa 9-Ball

Hulagway gikan sa JP Parmentier Facebook page

ANG manok sa Davao City nga si Lee Vann "The Slayer" Corteza gilampurnas ang World No. 2 Joshua Filler sa Germany sa 22nd Annual Derby City Classic 9-Ball Finals Pebrero 2 sa Caesars Southern Indiana Casino and Hotel sa Southern Indiana, USA.

Si Corteza, nga mihumang runner-up sa Derby City Classic Big Foot 10-Ball Challenge pila ka adlaw sa samang venue, midugang og laing dungog, human gipildi si Filler, 11-4, sa ilang championship match.

Ang 40 anyos nga Dabawenyo pool master gikan Mintal midawat sa premyong US$16,000, wa pay apil ang US$8,000 nga premyo human siya midaug isip runner-up kontra World No. 7 Jason Shaw sa Great Britain sa Big Foot 10-Ball Challenge.

Si Filler, nga 2018 WPA World 9-Ball Challenge champion, mipauli dala ang US$8,000.

"I knew that you would surely make it! You have worked really hard and deserve that!!! Congratulations! We love you and we are very proud of you," suma sa Facebook post sa asawa niyang si Gelia.

Ang magtiayon may duha ka anak, sila Lee Vann, Jr. ug Geleea Vann Kisha.

Si Corteza mao sab ang 2018 Japan Open champion, bottleneck.net 77th World 14.1 Tournament titlist human gipildi ang four-time champion Thorsten Hohmann sa Germany ug 2017 US Open Straightpool Championship winner.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph