Dugang lakang gihikyad batok ASF

DAVAO OCCIDENTAL -- Gideklarang "ground zero" ang lungsod sa Don Marcelino tungod sa pagsud sa African Swine fever (ASF) hinungdan nga kuhaan og samples ang tanang binuhing baboy sa lima ka kalungsuran.

Human sa pagbisita ni Agriculture Secretary William Dar sa lungsod sa Malita niadtong Dominggo, Pebrero 2, gibutyag niini nga positibo gyud sa ASF ang mga nakuhang samples gikan sa Don Marcelino ug Malita.

Apan ipailawom pa sa laboratory test ang ubang samples alang sa confirmatory diagnosis.

Gipanghatagan na og power spray, knapsack sprayers ug disinfectant ang probinsiya gikan sa buhatan sa Mindanao Development Authority.

Si Mayor Michael Maruya nagbutyag nga hugtanong ipatuman ang lockdown sa ilang lungsod aron masegurong di makalusot ang mga baboy padung sa ubang merkado.

Nabalaka ang mayor nga maapektuhan ang ekonomiya sa swine industry tungod sa ASF.

Sa bahin, ni Governor Claude Bautista gimando niini ang "double quarantine" human sa total lockup, pinaagi sa iyang gipaguwang memorandum order niadtong Pebrero 1.

Apil sa mando ang simultaneous collections sa mga lungsod sa Sta. Maria, Malita ug Jose Abad Santos.

Pinaagi sa mga nag-unang lakang sa mga opisyal maluwas ang industriya sa baboy sa lugar.

Hinuon, dili motakod sa tawo ang ASF, apan maghatag kini og dakong kalugi sa mga negusyante ug pagnihit sa suplay sa merkado. (Orlando B. Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph