Empleyado sa DepEd na-buy-bust

DAVAO. Ang hulagway uban sa suspek atol sa pag-inventory sa kapulisan sa mga ebidensiya nga nakuha sa iyang posisyon. (Hulagway pinaambit sa Igacos police)
DAVAO. Ang hulagway uban sa suspek atol sa pag-inventory sa kapulisan sa mga ebidensiya nga nakuha sa iyang posisyon. (Hulagway pinaambit sa Igacos police)

BABAK DISTRICT, Island Garden City of Samal -- Usa ka trabahante sa Department of Education (DepEd)-Davao ang nasikop sa kapulisan sa Island Garden City of Samal sa Davao del Norte atol sa buy-bust operation, Dominggo sa buntag didto sa Purok 1-A, Barangay Balet, Babak District, Igacos.

Ang kapulisan sa Babak Police Sub-Station nag-ila sa suspek nga si Domer Pelegrin Englis, alyas Domer, 32 anyos, minyo, giingong empleyado sa DepEd-Davao ug residente sa Purok 1-A, Barangay Balet.

Subay sa report sa kapulisan, nakuha sa posisyon sa dinakpan ang duha ka pakite sa gituohang shabu ug ang P500 nga marked money.

Depensa sa suspek nga wala siya masayod sa hitabo, ug nagtuo siya nga napasanginlan lamang siya, diin dugang pa, limpyo suma pa ang iyang konsensiya.

Bisan pa man, ang suspek temporaryo nga gikustodiya sa Babak-Sub Station samtang padayong nag-imbestiga ang mga pulis sa dapit. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph