LeBron mogamit sa numero sa anak ni Kobe

NAKADESISYON si Los Angeles Lakers superstar LeBron James nga mogamit sa og No.2 sa iyang jersey sa umaabot nga All-Star Game sa National Basketball Association (NBA) nga ipahigayon karong Pebrero 17, 2020 (RP time) sa United Center sa Chicago.

Kini isip iyang pahinungod sa anak sa iyang suod higalang si Kobe Bryant nga si Gianna. Si Bryan ug Gianna ningpanaw kauban ang laing pito ka mga tawo gumikan sa helicopter crash niadtong Enero 27, 2020 (RP time) sa Calabasas, California.

“It felt like these last three years were the happiest I’ve ever seen him,” matod ni James kabahin kang Bryant. “I think we all can say that. It was the happiest I’ve ever seen him, being able to just be with his daughters, be with his family.”

Gipasabot ni James nga sama ni Bryant, aduna sab siya’y anak nga babaye hinungdan nga grabe ang sakit nga iyang gibati dihang nasayran niya ang nahitabo.

Ang No.2 maoy gigamit ni Gianna sa pagduwa niini og basketball. (AP, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph