SUPERBALITA CAGAYAN DE ORO

81,000 ka slots naghulat sa scholarship sa Tesda sa 2020

CAGAYAN DE ORO. Gipahibalo sa Tesda ang nagkalainlaing nga skills training, programa ug scholarship nga libre. Kini mao ang Barangay Kabuhayan Skills Training diin magsugod ang enrollment karong Pebrero 24, 2020. (Steph V. Berganio)

GIAGHAT karon sa mga kadagkoan sa Technical Education and Skills Development Authority (Tesda) nga kung gusto makatoon, ubay-ubay nga programa, trainings ug scholarship ang gitanyag sa ilang buhatan.

Si Tesda-Northern Mindanao Director Tarhata Mapandi nihangyo sa katawhan nga pahimuslan kini nga oportunidad gumikan kay 81,000 ka mga indibidwal ang gikinahanglan sa rehiyon nga ma-enrol sa scholarship nga gitanyag kung diin construction tungod sa demand sa Build, Build, Build program sa gobyerno ug agriculture ang usa sa labing prayoridad alang sa food security sa nasod.

Dugang niini nga posibleng madugangan pa kini.

"Naa tay regional scholarship nga certain capacity umaabot 81,000 and it can go higher. Sitting capacity in terms of number and readiness ng ating mga skwelahan and it could go higher dahil marami na naman magpaparegister, so madagdagan na naman in terms of capacity ng Northern Mindanao," matud ni Mapandi.

Gipahibalo sab niini nga kinahanglan mahibaloan sa katawhan nga daghan scholarship ang giandam sa gobyerno.

"I would like to inform the public na nagkaroon na po tayo ng allocation sa ating scholarship dahil magkakaroon po tayo ng National Enrollment Day this February 24, 2020," pahibalo niini.

Ang mga sholarship nga gitanyag gilangkoban sa training for works scholarship program, special training for employment program, private educations students financial assistance, universal access for quality tertiary education, rice extension services program, DOTR Tsuper scholar ug ang gitakdang Barangay Kabuhayan skills training program.

Sa kinatibuk-an, aduna kini gitagana nga budget nga moabot ngadto sa P268,452,047.27 ang scholarship allocation.

"Kailangan malaman ng kababayan natin ang scholarship grants na ibibigay ng ating gobyerno," matud ni Mapandi ug midugang nga karon pa lamang daan, naa nay pre-registration.

Bisitahon lamang ang kabarangayan, munisipyo o ba kaha ang ilang mismong buhatan sa Tesda aron maka avail sa mga scholarship niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph