Navigators gahi gihapon

DAVAO. Si Mats College of Technology Navigators player Clyve Gloria mipasud sa bola samtang gabantay kaniya ang magduduwa sa Agro-Industrial Foundation College of the Philippines Sailors atol sa Philippine Collegiate Champions' League Escandor Cup Mindanao Finals game, Lunes sa gabii, Pebrero 3 sa Almendras Gym Davao City Recreation Center. (Mark Perandos)

ANG Mats College of Technology pabiling way pildi sa pagsugod sa Philippine Collegiate Champions' League (PCCL) Escandor Cup Mindanao Finals nga gihimo sa Almendras Gym Davao City Recreation Center, Lunes, Pebrero 3.

Ang Navigators mipaunlod sa 2019 Corporate Sponsors League (CSL) Escandor Cup Davao champion Agro-Industrial Foundation College Sailors via 98-95 nga iskor.

Ang kadaugan sa Mats sunod sa ilang pagbugha sa STI Cagayan de Oro, 96-73.

Tungod niini, ang Navigators nanguna sa team standings sa opening day uban ang 2-0 win-loss card sa Samahang Basketbol ng Pilipinas (SBP)-sanctioned cagefest.

Sa pikas bahin, ang Holy Cross of Davao College (HCDC) Crusaders mipayukbo sa Universidad de Zamboanga Wildcats, 79-72, samtang ang Holy Trinity College (HTC) of General Santos City midaug sab kontra Crusaders, 90-87.

Ang PCCL Mindanao Finals champion moabante sa PCCL Visayas-Mindanao Finals, nga magsilbing qualifying sa PCCL National Finals.

Si SBP regional director Glenn Escandor maoy host sa PCCL Mindanao Finals uban si SBP 11 operations head Ronel Leuterio.


SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!