Pagasa: LPA di mahimong bagyo

WALAY purohan nga mahimong bagyo ang nasigpatan nga Low Pressure Area (LPA) sa Philippine Atmospheric, Geophysical and Astronomical Services Administration (Pagasa), apan makasinati gihapon ang Central Visayas ug madag-umon ug uwanon nga panahon sugod sa Miyerkules sa gabii, Pebrero 5, 2020.

Mao kini ang gibutyag ni Engr. Al Quiblat, Bureau chief sa Pagasa Visayas sa Superbalita Cebu human sa nakasinati og madag-omon nga panahon diin nisugat sa katawhan niadtong Miyerkules, Pebrero 5, sa buntag.

Ang nakit-an nga maong LPA anaa na sa 1015 km sa sidlakang bahin sa Davao City.

Sigon niya nga sa Miyerkules sa gabii magsugod na ang epekto sa maong LPA diri sa Central Visayas labi na sa syudad sa Sugbo.

Makasinati kini ang Sugbo og katag-katag nga light ngadto sa moderate nga pag-uwan-uwan apan kini hunonghunong nga pag-uwan lakip pagpangdugdog ug kidlat, matod ni Quiblat.

Apan kung kini mokusog, dugang ni Quiblat, mahimo kini nga unang bagyo sa tuig 2020.

Apan dungang ni Quiblat nga minus ang kahigayonan nga kini mahimong bagyo sanglit kini mahilis igka abot sa kayutaan sa Visayas o sa Mindanao. Kini basi sa ilang weather model, makasinati ug maanindot nga panahon sugod karong Biyernes, Pebrero 7, 2020 hangtod sa Dominggo, Pebrero 9, 2020.

Ingon usab niya nga duol na ang kahumanan sa bugnaw na panahon diini ila kining gidahom nga mahuman sa ikatulo nga semana o kitapusang semana sa Pebrero.

Mosunod dayon ang mainitin nga panahon sa unang semana sa Marso diin nagpasabot nga nagsugod na ang panahon sa summer. (JCT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph