USA ka 19 anyos nga mag- uuma nga ikalima nga most wanted person sa dakbayan sa Sugbo ang gidakop sa mga sakop sa City Mobile Force Company (CMFC) sa Cebu City Police Office (CCPO) pinasikad sa warrant of arrest sa korte sa kasong lugos sa iyang 7 anyos nga pag-umangkon sa Barangay Lusaran.
Ang akusado niangkon nga hubog siya ug nakasuyop og shabu atol sa hitabo tulo ka tuig na ang nakalabay.
Ang akusado gitago lang ang pangalan niini tungod kay iyang kabanay ang biktima molupyo sa Sitio Pinkturan, Lusaran bukirang dapit sa siyudad sa Sugbo apan giingong magbalhinbalhin kini og puyo sa barangay Ga-as sa lungsod sa Balamban sa dihang napasakaan siyag kaso sa korte.
Matod ni Police Lieutenant Colonel Randy Korret, ang hepe sa CMFC sa CCPO, nga nabutang sa ika lima sa listahan ang akusado sa most wanted person sa dakbayan.
Nakakuha sila og impormasyon gikan sa mga molupyo sa bukid nga naa ra ang akusado sa Lusaran nag tago sa panimalay sa ilang ginikanan nga maoy hinungdan nga ila dayon nga gihimo ang operasyon aron dakpon kini.
Tulo ka tuig na ang nakalabay uig nagpangidaron pa og 15 anyos ang dinakpan dihang gi lugos niini ang iyang 7 anyos nga pag-umangkon sulod sa ilang panimay.
Siya, matod pa, ang gipabantay sa iyaan niini sa 7 anyos nga bata apan tungod sa kahubog, iya kining nahilabtan pinaagi sa pagpakihilawas.
“Ang sabi nung kanyang auntie pin alaga muna sa kanya yung bata pina bantay at yun na, na rape nya,” matod ni Randy Korret.
Giangkon hinuon sa 19 anyos ang salaod gumikan sa tumang kahubog nga wala na siya sa maayong panimuot ug lakip sa iyang giangkon nga naka hingos siyag shabu uban sa iyang mga barkada niadtong tungora.
“Sir nabuhat lang to nako sir kay hubog ko, maka usa ra pud hinuon sir,” matod sa dinakpan.
Nangayo kini og pasaylo sa iyang iyaan nga nahimo niya ang paglugos sa bata ug andam siya nga moatubang niini sa korte ug dawaton ang silot nga ipahamtang ngadto kaniya.
“Pasayloa intawon ko ninyu ate ug kuya, unsaon man nga nabuhat nako nga mao na kay hubog man,” matod sa dinakpan.
Dugang pag-angkon sa akusado nga sukad pa sa nag edad pa siyag 9 anyos, tiggamitan na siya og ilegal nga drugas ilabi na nga mag inom sila sa iyang mga higala.
Ang dinakpan gibalhog nas sa bilanggoan ug nagpaabot sa tukmang kaso nga ipahamtang batok kaniya tungod sa pagpanglugos. (AYB, GPL)