ANG Barangay Tangke sa dakbayan sa Talisay himuon sa kapulisan sa probinsya sa Sugbo nga usa ka “discipline zone area” (DZA).
Usa kini sa gitug-an ni Cebu Provincial Police Office (CCPO) Director, Roderick Mariano, human siya nangunay sa pagpakigtagbo ug dayalogo sa mga opsiyal sa Tangke niadtong Miyerkules sa buntag, Pebrero 5. Uban kaniya si Major Gerard Ace Pelare, hepe sa Talisay City Police Station.
Sa ilang pagtagbo gihimo usab ang pag-assess sa kaepektibo sa ilang gihimo karon nga programa sa hingpit na nga pagpuhag sa gidili nga drugas a Tangke pianaagi sa pag-lockdown sa mga pasud ug pagawas sa barangay sa pagmuntar og 24/7 checkpoint.
Ang halos way hunong nga pagsikup sa mga nalambigit sa pagpamaligya ug paggamit, ug ang bag-uhay nga mao ang house to house visitation.
Giuna nila ang Sitio Rattan ug Kilawan, diin 111 ka pamilyahan na ang nabisita ug 891 ka indibidwal ang na-interview.
Sa gihimo nga house to house visit, nasabutan sa kapulisan, mga barangay opsiyal ug sa mga residente mismo nga karong Sabado sa buntag, Pebrero 8, mohimo sila og pag-inventory ug pag-ila sa mga banca driver sa lugar.
Ug ang clean-up drive diha sa ilang kabaybayunan. Kini alang na usab sa pagpangandam sa pagpahimutang sa pipila ka sakup sa Regional Force Mobile Batallion (RFMB 7) aron kapugngan nga makasud dinhi ang ilegal nga drugas.
“The deployment will be adjusted from time to time in accord with our intelligence gathered,” pasabot ni Pelare.
Nasabutan usab nga magbutang sila og dugang outpost diha sa Sitio Kilawan, ang tunga nga bahin sa barangay
“To put a static police outpost at Sitio Kilawan, the heart of Tangke where drug personalities previously lurks in order to prevent the re-emergence of the old scenario in the area,” saysay ni Pelare.
Giila sa kapulisan ang Tangke gihapon ang nag-una nga problema sa drugas hinungdan nga mas gitutukan kini nila karon. (FMD)