GIBANTAYAN karon sa mga pulis sa Cebu City Police Office (CCPO) ug Cebu Provincial Police Office (CPPO) ang quarantine area sa Dakbayan sa Sugbo nga Cebu Provincial Women and Children Development Center nga nahimutang sa Doña Modesta Gaisano st., Sudlon, Brgy Lahug.
Duha ka mga tawo nga gikan sa China ang gibantayan sa mga pulis.
Apan si CPPO Director Police Colonel Roderick Mariano wa na mohatag pag dugang mga detalye.
Matod niya nga ang mga pulis nga nagbantay sa duha ka persons under monitoring (PUM) nag-face masks, apan gidid-an ang mga pulis sa pagsulod.
Samtang moagi pa og inspeksyon sa Customs, Immigration, Quarantine and Safety Inspectors (CIQS) ang tanang mga barko nga naggikan o niagi sa China usa makadunggo sa pantalan sa Sugbo.
Kini ang gibutyag ni Lieutenant Junior Grade Michael John Encina, spokesperson sa Philippine Coast Guard (PCG) 7.
“If they are coming from mainland China, they will be asked to go back or do the 14-day quarantine para ma-assess nang CIQS,” pasabot ni Encina.
Dugang niya nga kon ang barko nakapasar na sa CIQS ug sa 14 ka adlaw nga quarantine, pwede na kini makadunggo sa mga pantalan sa Sugbo.
“Kasama and katulong natin yung Bureau of Customs natin. Nag-provide sila nga statement of billing nila 3 days prior sa pagpunta nila (barko) dito and ina-advise natin sila na yung part sa Coast Guard is yung safety ng requirements ng barko na pupunta sa atin,” sigon ni Encina. (AYB, JCT)