PANGULOHAN sa Sugboanong mga atleta nga nakarepresentar sa nasod sa Southeast Asian Games sa miaging tuig ang awardees sa Sportswriters Association of Cebu-San Miguel Brewery Sports Awards nga ipahigayon karong Pebrero 29, 2020 sa SM City Northwing.
Lakip sa mga ninghimo’g grabeng kanaas sa SEAG mao ang multiple gold medalists nga sila si Wilbert Aunzo ug Pear Marie Caneda sa dancesport hasta sila si Margielyn Didal ug Daniel Ledermann sa skateboarding.
Naa sab sila si Mary Joy Tabal, Rubilen Amit, Nino Surban, Lois Kaye Go, Marvin Rushton, John Anthony Vargas, Bryle Jacob Alvizo, Jun Kanehara, MC Nicholson Villanueva, Daniela Reggie Dela Piso, Kiyomi Watanabe, Sherwin Manangil, James Deiparine, Rinna Babanto, Aidanie Laxa, Andrew Kim Remolino, Elfreen Ann Ando, Dexter Bolambao, Ditto Nester Dinopol, Diogenes Avila ug John Februar Ceniza.
Ang nahisgutang mga atleta dako og natampo sa Pilipinas aron maangkon ang ikaduha niining overall title sa matag duha ka tuig nga kompetisyon.
Hatagan sab og major awards sila si karter William Go, kinsa nakakulit og kasaysayan sa iyang pagdaog og overall titles sa tulo ka managlahing circuits, ug boxer Johnriel Casimero sa iyang paglabni’g balik og world title.
Gawas sa major awardees, ang SAC mohatag sab og citations sa mga atleta nga nakahatag sab og dungog sa Sugbo sa miaging tuig.
Lakip niini mao si Dr. Potenciano Yong Larrazabal, kinsa nahimong usa sa mga sakop sa elite seven continents club sa iyang pagdagan sa Antartica.
Ang ubang makadawat og citations mao sila si Jude Oliver Marie Rodriguez sa arnis, Noel Tillor, Azlan Pagay ug Prince Joey Lee sa athletics, SWU Phinma Cobras, SHS-Ateneo de Cebu Magis Eagles, Shaquille Imperial, Leobert Andrew “LA” Casinillo, UV SBP, Team Cebu City/Abellana National School sa basketball, Isaac Bacarisas sa baseball, Warren Kiamco sa billiards, Rey Caitom Jr., Joe Noynay, Carlo Demecillo, Mark Vicelles, Dave Penalosa, Pathricia Mae Sumalinog ug Bienjemar Codoy sa boxing, Jonel Carcueva ug John Mier sa cycling, Sugbu Mighty Dragons sa dragonboat.
Naa sab sila si Raya Tolentino, Maegan Alforque, Mia Evangelista, Roseton Barinan ug Dean Ebarle sa football, Gen Nagai sa golf, Leanne Manning sa gymnastics, Overlimit Jiujitsu Academy sa jiujitsu, Rhodee Ann Saavedra sa karatedo, Sylvester Ramirez sa motorsports, Jemarie Josh Ybanez , Zion Alexander Melecio, ug Buen Algono sa Muay Thai, RheyJey Ortouste sa sepak takraw, Roygbiv Barro sa shooting, Learjet Dela Cruz sa scrabble, Jasper Cabrera ug Jerome Bacarisas sa softball.
Mokompleto sa listahan mao sila si Jasmine Alkhaldi, Maxime Rooney ug Raven Faith Alcoseba sa swimming, Nica Garces sa taekwondo, Arthur Craig Pantino, Tiffany Nocus ug Chad Connor Cuizon sa tennis, Moira Frances Erediano ug CJ Lipura sa triathlon ug Floremel Rodriguez, Edmar Bonono, James Buytrago ug Jobert Almodiel sa volleyball. (Pooled Report)