ANG defending champion Holy Trinity College (HTC) Wildcats sa General Santos City gipildi ang Mats College of Technology Navigators sa Davao City, 85-82, sa ilang championship match sa Philippine Collegiate Champions League (PCCL) Escandor Cup Mindanao Finals sa Almendras Gym Davao City Recreation Center, Pebrero 5.
Si HTC coach Pol Torrijos, sa pakighinabi, nagkanayon, "Siguro sa experience (lamang kami) at bu-o ang loob. Wala kaming game plan kasi di namin sila nakita at di namin sila na-scout."
Gipahinumduman niya ang Wildcats nga magpokus sa depensa ug rebound.
"Mas buo ang loob namin sa crucial na tira. Sanay kaming nilalamangan. We play better pag nalalamangan," ni Torrijos.
Ang Pol Torrijos-coached Wildcats naningkamot nga manguna sa sugod.
Samtang ang Holy Cross of Davao College (HCDC) Crusaders mipildi sa Agro-Industrial Foundation College of the Philippines Sailors sa ilang bugno sa ikatulong pwesto.
Ang top three teams HTC, Mats ug HCDC moabante sa PCCL Visayas-Mindanao Finals karong Pebrero 17-20 sa Almendras Gym Davao City Recreation Center diin anaa ang pwesto alang sa national finals.
Si Samahang Basketbol ng Pilipinas (SBP)-Davao referees commission head lawyer Francis Calatrava mihatag sa champion's tropy sa HTC human sa finals match.
Ang liga gipaluyuhan ug giorganisa sa SBP 11 under regional director Glenn Escandor pinaagi ni SBP-Davao operations head Ronel Leuterio.