SUPERBALITA CEBU

Estriktong polisiya ipatuman sa PRO 7

BAG-ONG hepe sa Police Regional Office (PRO) 7 Police Brigadier General Albert Iganatius Ferro mopatuman sa three-strike policy nga kon adunay tulo ka chief of police nga marelibohan, iyang tangtangon ang kumander.

Hingpit nang nilingkod si Ferro bisan kon wala pa ang formal turnover of command nga himuon karong Martes, Pebrero 11, sunod semana hulip kang Police Brigadier General Valeriano de Leon.

Gihatagan siyag arrival honors nga maoy tradisyon sa Philippine National Police (PNP) sa iyang pag-abot sa Camp Crame.

Iyang gipasalamatan si PNP Chief Archie Francisco Gamboa ug Presidente Rodrigo Duterte nga nisalig sa iyang kapasidad nga gihatagan siyag higayon nga mahimong mangulo sa kapulisan sa Central Visayas.

Gisaad niya nga himuon niya ang PRO 7 nga labing maayong police regional office lukop nasud ilabi na sa ilang mga programa nga ipatuman.

Nihulga si Ferro sa iyang mga sakop nga iyang ipatuman ang three-strike policy nga nagpasabot nga kon adunay tulo ka station commanders nga marelibohan sa katungdanan, iyang tangtangon ang city o provincial police office director.

Kini nga lagda maoy gipatuman ni Gamboa nga kinahanglan nga silang tanan magtinarong sa trabaho aron way mag-atubang og problema.

“We will always subscribe to the general policy of the Chief PNP. There is this number of strikes policy. If you are the provincial director and three of your police chiefs were removed, you will also be removed. We will be strict on that,” matod ni Ferro.

Dugang ni Ferro nga hugot niyang idili sa iyang mga sakop ang pagsulod sa mga balay imnanan, lakip na sa mga pasugalan nunot sa mando ni Duterte.

Sama sa gihimo ni Major General Debold Sinas sa dihang siya pa ang regional director sa Central Visayas, ang pagdili sa pagduwag golf panahon sa oras nga tingtrabaho iya usab nga ipatuman.

Mando niya sa iyang mga personnel nga way modawat gikan sa illegal gambling lakip na sa illegal nga drugas.

“I’ll go with the general directive of the Chief PNP (Philippine National Police) which is the no-take policy. I will declare that on my watch, there will be no take for all illegal activities, gambling or other unscrupulous activities in the region,” matod ni Ferro.

Lakip sa iyang ipatuman mao ang internal cleansing sa hut-ong sa kapulisan tungod kay kini ang usa sa problema nga gisagubang karon sa organisasyon.

Tinguha sa liderato sa PNP nga mabalik ang pagsalig sa katawhan ngadto sa kapulisan.

“Professional ethics is really included in our program. We have this internal cleansing to emphasize or send a stronger message to the people that we are dead serious in trying to cleanse the ranks because there had been so many issues that had affected the police,” dugang ni Ferro.

Aron mamahimong epektibo pa ang mga pulis sa ilang trabaho, iyang ibalik ang walo ka oras nga duty, inay dose ka oras, nga di na hinuon makahimo sa ilang trabaho tungod sa kakapoy na.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph