ALAS 4:30 pa lang sa kaadlawon, madungog na ang mga kanta sa surprisa alang ni Josh Moises Cabalda niadtong Biyernes, Pebrero 7, 2020 o ang gitawag og Mañanita
Adlaw kini sa kasaulogan sa ika-14 nga kasumaran sa adlaw nga natawhan ni Josh.
Naandan na nga tulumanon ni Julie Peña-Cabalda, inahan ni Josh, nga mag Mañanita kon kinsa man ang magsaulog og birthday nga miyembro sa iyang pamilya.
Sa maong adlaw, gi Mañanitahan si Josh sa iyang amahan nga si Francis Joseph, Charles David, 15, maguwang ug ni Julie.
Tungod kay naatol nga unang Biyernes ang birthday ni Josh, human sa ilang klase, nanimba sila mag pamilya uban sa mga miyembro sa Brotherhood of Christian Businessmen and Professionals (BCBP).
Naandan na kini nga tulumanon sa mga miyembro sa BCBP nga manimba matag una ug ikatulong Biyernes matag buwan.
Human sa misa, dunay salosalo sa panihapon ang mga miyembro sa BCBP ug dunay Action Group Meeting alang sa mga bata diin kauban si Josh.
Usa ka dako nga unlan ug cake ang nadawat nga regalo ni Josh human sa Mañanita gikan sa iyang mga ginikanan.
Gawas niini, gipalitan usab siya og coloring materials gumikan kay hilig siya mag-drawing. (SCG)