Programa pagbatok sa hikog giandam sa MisOr SK Federation

NIHIMO og lakang karon ang Sangguniang Kabataan officials sa pagpanguna ni Misamis Oriental SK Federation President ug Sangguniang Board Member Kerwin Soldevilla aron makigbisogan ug pakigbatokan ang sunod-sunod nga kaso sa hikog dili lang sa siyudad sa Cagayan de Oro apan sa lalawigan sa Misamis Oriental.

Naalarma si Soldevilla sa madungog nga mga balita labot sa paghikog sa mga batan-on hinugdan nga nipaabot kining nga gikinahanglan kanila nga aktibong makighilambigit sa nagkadaiyang kalihukan sa ilang tagsa-tagsa ka komunidad sama sa sports, community services, seminars, ug uban pa.

Nagpasar og resolusyon sa hawanan sa Sangguniang Panlalawigan si Board Member Soldevilla aron pagpahigayon ug nagkalain-laing kalihukan sa kabatan-onan ning tuig.

“Naka linya na ang atong mga aktibidades, naa kitay ginatawag nga health info drive. So, mao tong akong ginasulti nga tanan hisgutanan sa mga health issues, mental health, teenage pregnancy, HIV AIDS awareness, ug uban pa. Naa nay budget niana...kaabag ang Provincial Youth Development office," matud ni Soldevilla.Dugang niini nga ila usab gihimo ang first aid mobilization sa tanang sangguniang kabataan.

"Lakip usab First Aid Mobilization sa tanang mga SK kay para nga in case sa mga disaster o mga emergency cases ang usa sa mga responders ana kong muabot ang panahon ato nang mga SK. And then, magpadayon ang atong sports skills development ug anti-illegal drugs advocacy,” dugang ni Board Member Soldevilla.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph