MGA tims gikan Davao Del Norte ug munisipalidad sa Sta. Maria, Davao Occidental mopakita og aksiyon sa Road to AAU 5X5 World Championship 2020 Mindanao Cluster Qualifying karong Pebrero 22 ug 23 sa Ateneo de Davao University Matina campus.
Si Mindanao Cluster coordinator Cholo Elegino nagsulti nga nagpadayon ang registration sa qualifying event diin nag-atang dinhi ang slot ngadto sa National Selection Camp sa Manila.
Mga piniling magduduwa morepresenta sa Pilipinas ngadto sa Amateur Athletic Union (AAU) World Championships sa Orlando, Florida, USA.
"We are targeting around 150 teams. We hope more entries will register as this is a very rare opportunity for Mindanao teams to get a chance to compete abroad," ni Elegino.
Ang entry fee anaa sa P1,900 per team apil na ang libre nga jersey sa upat ka magduduwa ug t-shirt alang sa coach.
Ubang qualifying legs gihan-ay sa Naga City karong Pebrero 15 ug 16, Cebu City sa Marso 7 ug 8, Manila sa Marso 14 ug 15 ug Angeles City sa Marso 28 ug 29.
Mga kategoriya mao ang 19 under born 2001, 2002 ug 2003 ug 16 under born 2004, 2005 ug 2006.
Interesadong partisipante mamahimong moparehistro sa online, http://bit.ly/AAUregional, dayon ideposito ang registration fee sa 1Hermes Sports and Events Ltd. Co, BDO Savings 555-02-444-98 aron maselyohan ang registration.
Mag-email sab og hulagway sa deposit slip o proof of fund transfer ngadto sa PilipinasAAU@yahoo.com. Ibutang sab ang ngalan sa tim isip email subject. (MLSA)