KARON nga nahuman na ang iyang kontrata sa Brgy. Ginebra Gin Kings, nakadesisyon ang 7-footer nga si Greg Slaughter nga mopahuway una sa pagduwa og basketball.
Gianunsyo kini sa produkto sa University of the Visayas (UV) Green Lancers niadtong Sabado sa gabii pinaagi sa iyang Instagram account.
“Now that my contract has expired, I’ve decided to take a break to be able to work on myself in all aspects,” mensahe sa 2013 No.1 overall pick sa Philippine Basketball Association (PBA).
Sa unom niya ka mga tuig nga pagduwa sa Gin Kings, si Slaughter nakadaog na og upat ka mga titulo.
“Six years, four championships, a lifetime of experiences and memories. It’s been a fun ride being with this team. I will forever be proud to have played for Ginebra, a dream of mine that came true when they drafted me in 2013,” dugang ni Slaughter.
“I may not know what the future holds, but one thing is for sure, the best is yet to come!”
Si Slaughter napili nga Best Player of the Conference niadtong 2017 PBA Governors’ Cup ug miyembro siya sa Gilas Pilipinas squad nga nakalangkat og gold medal sa 2019 Southeast Asian Games.
Nagkanayon si Ginebra coach Tim Cone nga wala siya’y ideya kon unsa’y plano ni Slaughter ug usa siya sa mga nakurat sa desisyon niini.
Matod ni Cone nga nagplano siyang makigsulti kang Slaughter sa umaabot nga mga adlaw.
“I am out of town at the moment and I don’t have any news on Greg at this time. We plan to speak with him and his agent over the next couple of days,” text message ni Cone sa Spin.ph.
Ang desisyon ni Slaughter misunod human migawas ang hugonhugon nga posible siyang i-trade sa Ginebra ngadto sa GlobalPort Batang Pier baylo ni Fil-German Christian Standhardinger. (ESL)