KABAHIN sa ilang pagpalig-on sa community relation, ang kapulisan sa dakbayan sa Talisay niayo ug nanglimpiyo sa public o communal nga pansayan sa Barangay Tanke niadtong Sabado, Pebrero 8.
Kini dungan sa ilang gihimo nga clean-up drive sa kabaybayunan sa Sitio Rattan sa samang barangay.
Ang Tanke maoy gitutokan sa Talisay City Police Station (TCPS) sa kampanya batok sa gidiling druga human nahagit sa kanunay nga pagtumbok niini ni Presidente Rodrigo Duterte.
Niadtong Sabado sa buntag, ang mga sakop sa TCPS, tinabangan sa Philippine Drug Enforcement Agency (PDEA) 7, ug sa kagamhanan sa Talisay ug mga barangay opisyal, ninghimo sa naasoy nga clean-up drive.
Nitabang usab kanila ang uban sa mga molupyo.
Gipintalan nila ang nga pansayan nga susama na kini og bag-o ug limpyo na usab tan-awon, sama sa pagpanglimpyo diha sa baybayon.
Nitabang usab kanila sa pagpanglimpyo ang mga sakop sa Tau Gamma Phi fraternity.
Usa usab kini ka mensahe alang sa tiunay na nga kabag-uhan ug kalimpyo sa imahe sa Barangay Tangke gikan sa ginadiling drugas.
Ang gihimo nga tulo ka oras nga clean up drive ug pag-ayo sa pansayan ang gidunganan usab sa pagpahigayon sa simultaneous buy bust sa Tangke ug Lawaan III, diin pito ka nga giila nga newly identified drug palyer ang nangasikop. Ug dul-an sa P67 mil ang balor sa nasakmit nga mga shabu.
Matod ni Police Major Gerard Ace Pelare, hepe sa TCPS, nga ila ng gipangandaman ang posibleng pagbalhin sa illegal drug trade sa silingang barangay.
“We are now anticipating a spill over in other places as indicated in today’s anti-drug operations in Lawaan III. However, there is a need to keenly observe Tangke as few remnants of the Obrero Drug Group and Vinculado Drug Group are still in the area,” saysay ni Pelare.
Hinungdan nga dili sila motutok sa Tanke, kundi lakipna sa uban pang barangay sa Talisay City.
Sa susama nga mga oras ang uban sa mga pulis ang nihimo usab sa house visitation pagpangumusta sa mga residente dungan ang pag-awhag kanila nga modili gyud sa ginadiling’ drugas.
Moabot sa 114 ka mga banca uban na ang mga tag-iya ug naggamit niini ang niapil. Usa usab kini sa paagi sa drug war, pagdili sa pagsud sa drugas agi diha sa kabaybayunan.
Gihimo usab sa susama nga adlaw ang 10th weekly edition sa Police and Partners Act of Kindness for the Children in Tanke (Police Pact) diin 50 ka mga anak sa mga nasikop nga drug personalities ug surrenderers ang dungan gipakaon ug gihatagan og lecture.
“The activities are conducted to support our relentless police operations in Barangay Tangke and to influence the good citizens to support the government in its anti-drug war,” dugang ni Pelare. (FMD)