USA ka 54 anyos nga ulitawo ang namatay human maigo sa kumo sa usa ka 36 anyos nga hubog sa Barangay El Pardo, Boljoon, Sugbo alas 6 sa gabii, Dominggo, Pebrero 9, 2020.
Giila ang biktima nga si Dionisio Dacay samtang ang suspek nailhan nga si Alexis Albarado, pulos manag silingan.
Si Police Corporal Sherwin Oyao sa Boljoon Police Station miingon sa Superbalita Cebu nga ang biktima giingon miadto sa tindahan nga panag-iya sa igsuon sa suspek aron mopalit og mga butang.
Ang suspek matud pa hubog ug kalit nga nanumbag sa biktima ug natumba.
Gidala sa ospital si Dacay apan gideklara kini nga dead on arrival. (BBT)