BISAN unsa pa kadako o kagamay ang usa ka selebrasyon, ang Pinoy di gyud pauwahi niini.
Mangita gyud ni og pamaagi nga masaulog ang mga kasikas sa life.
Of course, uban sa selebrasyon mao ang pagkaon.
Sa nagsing-abot nga Valentine's Day, daghan na ang nagmuni-muni asa kaha sila molaag o magdate uban ang ilang mga lalabs.
Alang kang Chef Pauline Benedicto sa Rekado, nga ang Valentine's Day usa ka dalan nga mapaila-ila nila sa ilang menu ang mga bag-o ug lamian nilang putahe.
"It's more Filipino food we all love but with a twist on it, which is how we present our version of comfort food since Day 1. Valentine's Day is the perfect day to introduce our new menu because we know everyone will be out dining with their loved ones," suma niya.
Sa nakalabay nga adlaw, natilawan sa pipila ka sakop sa media ang newest babies sa menu sa Rekado, ug ania ang pipila dinhi:
* Morcon Rekado Style
Sakto lang ang kahumok inubanan pa ang dulot sa unod nga lasa tungod sa mga spices. Magpamitik sab ang lasa sa Spanish chorizo, cheese ug atay sa manok.
* Mindanao Style Beef stew with burnt coconut
Suma pa migamit dinhi ang special spice paste nga gidayan-dayan sa pagluto uban ang tuno sa lubi. Tungod sa kalami, magpangita ka'g extra rice!
* Crispy Pork Strips with Burong Hipon and KBL salsa
Ang Pork strips nipis ang pagkahiwa ug perfect ang katagumkom niini. Giubanan pa kini sa special burong hipon ug gibalot sa lettuce.
* Rekado's Pancit Malabon
Usa sa all-time fave nga giluto sa lamiang sauce nga gama sa shrimp & Annato oil uban ang chicharon ug itlog.
* Tagalog Glazed Wings
Gi-deep fry kini nga gi-coat sab sa sweet soy barbecue sauce ug giserved uban ang garlic aioli.
* Fried Lapu-Lapu with Honey Bagoong Glaze
A new kick sa lasa ang sweet and spicy bagoong sa lamiang isda.
* Rekado's Chicken Inasal
Gi-marinate ang manok og 12 ka oras aron motuhop ang lasa sa tanglad, kalamansi ug toyo.
* Shrimp con Mayonesa with Crab Fat
Gigisa nga pasayan ug gi-served uban ang rich mayonessa dressing uban ang "taba ng talangka."
Of course, human ang lamiang pagkaon, di sab gyud makalimtan ang desserts, sama sa Bibingka ug Puto Bumbong.
Sama sa panultihon, "the best way to anyone's heart is through his stomach," enjoy your Valentine's Day uban ang lamiang putahe sa Rekado.