SUPERBALITA DAVAO

CEO sa Rigen ipabarang

Paul Auditor (Tampo nga hulagway)

DAVAO DEL NORTE -- Miani og mga negatibong reaksiyon sa mga investors sa Regin Marketing ang nahimong desisyon sa korte nga gihatagan og pagtugot ang chief executive officer (CEO) sa Regin Marketing nga si Paul Auditor nga makapiyansa sa giatubang nga upat ka ihap sa kasong estafa.

Usa ang broadcaster nga si Sarx Lanos, 48, ang anchorman sa progmarang Balitang Petmalu nga usa usab sa mga investor sa Regin Marketing, ang nawad-an og paglaum nga makab-ot ang hustisya alang sa katawhang giingong giilad sa scammer nga si Auditor.

Suma ni Lanos nga nadismaya siya sa dagan sa pagtaral sa kaso ni Auditor sanglit iyang nakita nga nawala ang hustisya alang sa katawhang nailad ug mas gipaboran pa sa korte si Auditor.

Gikatingala ni Lanos ang four counts of estafa nga kaso sa maong CEO nga kung iyang mahinumdoman liboan man sila ka mga investor ang mi-file og kaso batok kang Auditor.

"Sa CIDG ko nag-file kaso, sobra libo na mi didto, lain pa tong sa PNP nag-file ug tua pay daghang nag-file og kaso sa opisina ni Governor Jubahib. Unya four counts of estafa ra ang kaso?" dugang pamahayag ni Lanos.

Tungod sa pagkadismaya, gisulti ni Lanos nga iyang gipangita ang barang nga gilubong sa iyang lola una kini namatay, 38 na ka tuig ang milabay sanglit buot niya nga magpunay og pururot ang sampot sa maong CEO nga suma pa kuwarta sa katawhan ang gigamit sa pagpalit og pagkaon.

"Mao mag-andam siya'g saging tondan ug diatabs, pero kung iuli na niya ang kuwarta sa katawhan, stop nako'g barang niya," kinomedya apan seryusong pung sa broadcaster nga naila nga usa ka matuod nga lumad gikan sa probinsiya sa Davao Oriental.

Ang maong barang nga iyang gipangita matud pa epektibo ug nasulayan na kaniadtong buhi pa ang iyang lola apan kung bisan og di makit-an ang maong barang sanglit way nasayod kung asa gilubong, matud pa nga mangita og laing mambabarang ang broadcaster og iyang ipabarang ang nakapiyansang CEO sa Regin hangtud nga mauli ang kuwarta sa katawhan nga gi-scam niini.

Gisulti ni Lanos nga nagkantidad og P35 mil ang personal niyang kuwarta nga na-scam sa Regin Marketing ug laing P400 mil nga kantidad nga iyang mga paryente hinungdan nga dako gayud ang iyang kasuko sa nahimong desisyon sa korte sa kaso ni Auditor.

Samtang ang publisher sa senemanang mantalaan sa probinsiya nga wa magpabutyag sa iyang pangalan nakapangutana kung nganong nakapiyansa si Auditor nga non-bailable man unta ang maong kaso ug kung nganong gipahigayon sa adlaw'ng Sabado ang pagdungog ug dili sa adlaw nga tingtrabaho?

Kahinumdoman nga miulbo ang pagkadismaya sa mga investors human gitugtan ni Regional Trial Court Branch 1 Judge Virginia Ang nga makapiyansa si Auditor atol sa pagdungog sa kaso niini niadtong Pebrero 8, 2020 sulod sa Compound sa Davao del Norte Provincial Jail kon diin ang pagdungog giingong gi-walk out-an sa government prosecutors sa Tagum City sa pagpanguna ni City Prosecutor Noel Palma ug gitawag nga "highly irregular" ang pagpatawag niadtong adlawa gumikan walay mga court personnel nga nakatambong ug wa usab daan naka-schedule. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph