“NO HARD feelings. Orders have to be followed. Orders must be complied. As a good soldier, I have to follow.”
Mao kini ang pulong ni kanhi direktor sa Police Regional Office (PRO) 7, Police Brigadier General Valeriano de Leon atol sa yano nga turnover ceremony sa Camp. Sergion Osmeña sa dalan Osmeña Blvd., dakbayan sa Sugbo kagahapon, Perero 10.
Walay gibawon nga kasagmuyo sa pagtangtang kaniya sa katungdanan bisan sa kahamubo lang sa panahon nga nahimong pangulo sa kapulisan sa Central Visayas (CV).
Apan sa inang mga taho, nipadayag ang heneral sa iyang kakurat sa mando sa Camp Crame. Gihatagan og higayon nga makapanamilit ug makapasalamat sa mga police sa CV si de Leon.
Matod niya nga dako kaayo niyang garbo nga naka serbisyo sa rehiyon 7 bisan sa kapin tulo lang ka buwan nga makasaysayanon tungod kay apil siya sa paghatag sa eguridad sa Sinulog 2020 nga nahimong malinawon.
Sa iyang pagbiya sa Sugbo ,giklaro niini nga wala siyay gibating kasakit o kasagmuyo tungod kay isip usa ka police mag agad sila sa kamandoan sa ilang mga labaw.
Madestino si General de Leon sa buhatan ni PNP Chief Archie Francisco Gamboa uban sa lain pang mga heneral ug mga personnel nga nalutsan sa kamandoan niadtong miaging semana.
Giangkon sa heneral nga dako ang posibilidad nga ang usa sa hinungdan sa iyang pag ka relibo sa katungdanan ang giingong pag duwag golf sa tulo niini ka sakop nga moepekto sa iyang performance isip ilang pangulo.
Apan iyang giklaro nga wala siya mag kuwang sa pagpahimangno kanila nga kung molapas sila sa kamandoan sa ilang labaw siya ang manubag isip hepe sa PRO-7.
“I caution my senior officers not to do it and if they do it, it will be counted against me,” dugang ni de Leon.
Bisan pa man sa tulo ka buwan ug 20 ka adlaw nga pag lingkod isip PRO 7 director apan gipasigarbo niini ang iyang mga nahimo sama nalang sa malampuson nga kampanya sa illegal nga drugas ug illegal gambling.
Nakasakmit sila og 46,730 gramos nga shabu nga mobalor sa P317,764,000 ug P40.1 Million nga balor sa marijuana lakip na ang pagkasikop sa 1,513 ka wanted persons ug 2,284 nga napabilanggo tungod sa illegal gambling.
Ang labing dako nga iyang gipasigarbo mao ang ka malampuson sa Sinulog 2020 nga walay bisan usa ka insidente nga nahitabo nga maoy iyang gi pangaliya nga bisan pa man nga relibohan sa katungdanan dako na kini niyang garbo.
“I told Sto. Nino, I won’t mind if I will be relieved, just make the Sinulog peaceful. I think it was the first time that there was zero crime incident during the Sinulog and I am very happy about it,” panapos ni de Leon.
Hinuon, alang niya, ang pagkataktak kaniya sa katungdanan sa PRO-7 dili maoy katapusan sa iyang karera sanglit aduna pa siyay kapin sa tulo ka tuig una moretiro sa serbisyo sa PNP.
Ug karong hapon, Martes, Pebrero 11, pormal nang molingkod sa katungdanan ang iyang classmate sa Philippine Military Academy (PMA) Class of 1989 nga si Police Brigadier General Albert Ignatius Ferro isip bag-ong direktor sa PRO 7. (AYB)