GUMIKAN sa novel coronavirus (nCoV) outbreak, gianunsyo sa Philippine Basketball Association (PBA) kagahapon nga ilahang giuswag ang pagsugod sa 4th season gikan sa Marso 1 ngadto na sa Marso 8.
Nagkanayon si PBA commissioner Willie Marcial nga nakadesisyon sila niini alang sa kaayuhan sa stakeholders ug mga sumosunod sa liga.
Gumikan niini, nauswag sab ang Leo Awards nga naandan nang ipahigayon dungan sa pagbukas sa bag-ong season.
Si Leo Awards, gilaomang madawat sa Sugboanong higante nga si San Miguel Beermen center JuneMar Fajardo ang ikaunom nga sunodsunod nga MVP title niini nga usa ka rekord sa kasaysayan.
“It’s a preventive measure against nCoV. It’s now in place and will be implemented. The safety of our fans, teams, players and officials remain to be our utmost priority,” pasabot ni Marcial nga napatik sa PBA.PH.
Hinuon, magsangka lang gihapon ang five-time defending champions San Miguel Beermen ug Magnolia Ang Pambansang Manok Hotshots sa Smart Araneta Coliseum.
Giuswag sab sa PBA ang pagsugod sa PBA D-League gikan sa Pebrero 13 ngadto na sa Marso 2 sa Paco Arena. (ESL)