SUPERBALITA CAGAYAN DE ORO

Todino: Mananom sa tugkaran

Pro Bono

SA TINUOD lang, kining panawagan karon ni Misamis Oriental Governor Yevgeny Emano ngadto sa mga mayor sa probinsya kabahin sa pagpreserbar sa kalimpiyo sa mga merkado ug sa mga baligya ilabi na sa karne maisip lamang kini nga short-term kon atong ipatigbabaw gyud ang kahimsog sa panglawas sa mga tawo.

Giawhag sa gobernador ang tanang mayor sa kalungsoran ug siyudad sa lalawigan nga lig-onon ang bio safety, hygiene ug sanitation standard sa slaughterhouse ug mga public market.

Kini nunot usab sa pagtunaw sa unang kaso sa African Swine Fever sa Mindanao.

Importanti ang kalimpiyo sa pasilidad sa merkado labi na kay mga pagkaon ang gipangbaligya niini. Apan, dunay mas importanti aron luwas gyud ang tawo gikan sa mga sakit nga makuha sa pagkaon.

Nasayod ang tanan nga bisan moagi pa og inspection sa veterinarian ang mga gipang-ihaw nga hayop nga gipangbaligya sa merkado dili kana nagpasabot nga limpiyo na ang maong karne ug dili maka-apekto sa panglawas sa tawo.

Klarohon nato, daghan nang mga pagtuon nga naghisgut kini nga ang mga karne maoy usa sa mga hinungdan sa nagkadaiyang balatian sa mga tawo karon.

Lisod pugngan ang mga tawo sa pagkaon og karne, gani bisan nasayod sila nga dili gyud limpiyo ang gigikanan niini padayon gihapon sila sa pagpalit ug pagkaon.

Samtang gihingusgan ni Emano ang pagpatunhay sa kalimpiyo sa mga merkado aron maluwas ang publiko gikan sa mga sakit, angay usab unta nga kalohaan nato og programa nga long-term ang epekto.

Nahibaw ta nga bisan ang mga utanon karon kadudahan na kaayo tungod sa gipanggamit nga kemikal sa pagpatubo niini. Busa, karne o utanan man, maisip nato nga dili gyud hingpit nga luwas kaonon.

Dunay mga non-profit organization o bisan local government unit karon nga nagdaseg sa katawhan pagpalambo og backyard gardening.

Mananom og utanon diha mismo sa atong tugkaran. Dunay daghang paagi karon nga bisan sa kapit-os sa lugar makahimo gihapon kita sa pagpalambo og gamay nga garden.

Unta magtinguha ang gobiyerno paggahin og pundo aron mapatuman nila kining mga backyard gardening aron mapahimuslan gyud sa publiko ang ilang tiunay nga produkto nga luwas gikan sa makamatay nga kemikal.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph