TULO ka mga lungsod sa Northern Mindanao nga giingong wala nakatuman sa mandato ni Presidente Rodrigo Duterte ang gikasohan og administrabo sa Department of the Interior and Local Government (DILG).
Gikumpirmar ni DILG-Northern Mindanao Director Arnel Agabe nga kini nga mga lungsod mao ang Mantical, Misamis Oriental; Guinsiliban ug Sagay sa probinsya sa Camiguin.
Matud ni Agabe nga kasong administrabo sa wala pag-implementar sa direktiba sa Presidente maoy gipasaka niini nga mga lungsod ug kini na sila maoy manubag didto sa buhatan sa Ombudsman.
"Administrative complain to for failure to implement a lawful directive mao to ang gipasaka sa ila," kumpirma ni Agabe, ug miingon nga ang korte na ang masayod kung unsa ang appropriate nga sanctions ipahamtang kanila kung kini sila makitaan nga guilty.
Dugang sa director nga natapos na ang 75 ka adlaw nga road clearing ug bout niining ipahibalo nga nga unta magpadayon ang mga local chief executives sa pagpatuman niini bisan paman nga wala pa ang bag-ong guidelines niini.
"Atong pangayuon sa LGU nga bisan wala pa ang new guidelines, ipadayon nila ilang paglimpyo ug pag-implement sa road clearing policy. Nagsugod na kaniadto ang 75 days, ayaw namo hulat kanus-a magsugod. Trabaho na ninyo ug mandato ug that would be a part of your mandate to promote safety and well-being of the public. I-follow ang direktiba sa atong Presidente," paabot ni Agabe.
Giingong ang maong mga lungsod ang miapela na karon panahona sa buhatan sa Ombudsman.