ANG Department of Social Welfare and Development (DSWD) Field Office VII nisikad sa usa ka semana nga pagsaulog sa iyang ika-60 nga kasumaran sa pagkatukod sa departamento niadtong Pebrero 3, 2020.
Ang tema sa kasaulogan: “Social Integration: DSWD’s Major Thrust in line with the Philippine Development Plan 2017-2022.”
Atol sa opening salvo, si uary 3, 2020, DSWD-7 Regional Director Rebecca Geamala nanawagan og hiniusang aksiyon aron pagkab-ot sa tumong sa departamento.
“This is the challenge, not only to the regional directors but to everyone in the DSWD. Whatever our contributions are, let us act with sincerity, commitment, kindness and love. Let us work with our assignments with perfect love acted in justice and with favors of mercy,” dugang pagpasabot ni Geamala.
Human sa DSWD anniversary message ni Geamala, gikanta ang awit nga “Katatagan” nga gilusad usab sa samang higayon.
Usa kini ka orhihinal nga komposisyon ni Leah Quintana, regional information officer sa DSWD-7.
Ang musical arrangement gihimo ni Niño Bautista, clerk sa Area Vocational Rehabilitation Center (AVRC II) ug Gem Malaza, Project Development Officer of Standards Section.
Gikanta kini sa DSWD-7 Chorale.
Ang orihinal nga kanta nagsaysay sa taas nga pasensiya ug kakugi sa mga kawani sa DSWD taliwala sa kadaghang hagit nga giatubang sa pagpadayon sa matinud-anon ug maluluy-ong pagserbisyo sa mga kabus, daling mahulga ug nahikling sektor sa sosyodad.
Usa ka trade fair exhibit nga gitawag og “Tabo sa SLP” ang giablihan sa pagpakita sa nagkalainlaing livelihood products gikan sa Bohol, Cebu, Negros Oriental ug Siquijor nga naa sa DSWD-7 grounds gikan sa Pebrero 3 ngadto sa Pebrero 11, 2020.
Niadtong Pebrero 4, usa ka Knowledge Exchange gihimo uban sa pag-abag sa Social Welfare Development Learning Network (SWDL-Net) ug Pebrero 5, usa ka Wellness Program Symposium.
Dunay blood-letting activity uban sa pag-abag sa Department of Health (DOH).
Lakip sa kalihokan mao ang sports sama sa basketball ug volleyball, indoor fun games, ug trivia games.
Niadtong Pebrero 10, ang DSWD-7 Chorale nitanyag og kanta sa ilang mga kliyente sa Crisis Intervention Section (CIS) nga mokuha sa Assistance to Individuals in Crisis Situation (AICS).
Ang highlight sa celebration mao ang Program on Awards and Incentives for Service Excellence (PRAISE) Awards ug ang PaNata Ko (Pagkilala sa Natatanging Kontribusyon) sa Bayan Awards karon, Pebrero 11.
Ang RAISE Award ihatag matag tuig sa exemplary performers sa DSWD.
Gidesenyo kini sa pagdasig sa pagkamamugnaon, innovativeness, efficiency, integrity ug productivity sa public service pinaagi sa pag-ila ug paghatag og pag-ila sa mga opisyal ug mga yano nga kawani nga nakahimo og kaayohan alang sa departmento lakip sa iyang partners. (PR)