DAKO gyud ang posibilidad nga fake news o anti-China ang migawas nga balita sa social media nga ang estado sa China mi-petisyon sa ilang Supreme People’s Court nga tugutan silang pamatyon ang mokabat sa 20,000 ka mga Intsek nga natakbuyan sa makalilisang nga 2019 Novel Corona Virus-Acute Respiratory Disease (2019 NcoV-ARD). Kini aron malikayan ang pagkuyanap sa maong balatian sa uban. Matod pa mokabat ngadto sa 20 ka medical workers nga nag-atiman sa mga ntakbuyan nataptan usab sa virus.
Sobra na sa 900 ka mga tawo ang gikatahong namatay ug 40 mil na kapin ang natakbuyan. Basin mahurot kuno ang katawhan sa China. Ah, imposible sab kaayo. China adunay 1.386 billion (2017 census) population. Naghuwat na lang kuno sa desisyon sa ilang Supreme People’s Court.
Fake news man o anti-China news, pero nagtuo kaha mo nga way kapabilidad ang China sa paghimo niini? Para nako mahimo kini nila. Hinundumi nga komunista ang ilang panggobiyerno. Sa communist system, wala na mo-ila og human rights. Puwede kang ipapatay kon nakahimo ka og krimen. Adunay korte didto nga mohusay usab nga hatagan kunuhay og due process ang akusado, apan ang communist leaders gihapon ang magbuot. Sama sa Kanggaro Court nga gisagop usab sa Communist Party of the Philippines.
Basin wa kitay kalibutan nga gihimo na kini sa China. Mahulog man ni og euthanasia o mercy killing.
Ang United Nations ug ang Amnesty International ug ubang mga human rights organizations kanunay nag-monitor ug nag-review sa human rights cases og policies sa China. Wa silay freedom of the press and speech, movement and religion. Adunay kaugalingong balaod ang People’s Republic of China. Kon nakabasa mo sa mga balita nga ang nga corrupt government officials didto gipang-firing squad. Sumala unsay nahitabo sa 1989 Tiananmen Square massacre? Gipangmasaker ang mga pro-democracy demonstrators. Dunay grupo sa mga Muslim nag-introduce og Islam, gipamatay usab aron dili maka-recruit og mga sumosunod. Kana pa kahang mga masakiton dili pangihawon? (bobbygnalzaro@gmail.com)