DAKO nga kawad-an sa industriya sa mga nagbuhi og baboy kung makasulod ang African Swine Fever (ASF) nga sakit sa mga baboy dinhi sa lalawigan sa lalawigan sa Misamis Oriental hinungdan nga ang Gingoog City hugot sab nagbantay niini.
Tungod niini, si Vice Mayor Peter Unabia sa Gingoog City nanawagan ug nihangyo sa mga Gingoognon nga kung magbiyahe gikan sa Davao, Luzon ug uban dapit kung asa anaa nay mga kaso sa ASF dili na magdala og mga processed meat, pasalubong ug uban pa kay kung malabay kini ngadto sa pasaw ug makaon sa baboy ikamatay kini sa binuhi ug motakod.
Dugang pahimangno niini nga nga estriktohon ang pag-implementar batok sa ASF sa Gingoog, ug adunay estrikto nga inspection sa mga entry area para dili makalusot ang mga processed foood tungod kay dako kaayo nga epekto sa swine industry.
Una na nga nagpagawas og kamandoan si Misamis Oriental Governor Bambi Emano nga i-ban na og lakip ang mga prudoktong baboy, processed meat nga una gikan sa Luzon ug dihang natakbuyan na og ASF ang mga baboy sa Davao lakip na kini sa gi-ban nga di makasulod sa lalawigan.
Mismong si Provincial Veterinary Office head Dr. Benjamin Resma niingon nga kung adunay baboy nga magluya itawag dayon kini deretso sa ilang buhatan aron mamonitor kung unsay posibleng gibati niini.