SIYAM ka mga pulis nga kanhi sakop sa Theft and Robbery Section (TRS) ang gipa-report kagahapong adlawa sa Cebu City Police Office (CCPO) isip kabahin sa paghulma og balik sa departmento sa TRS.
Kon kahinumdoman, gibungkag kaniadto ang TRS ug ingon man ang Homecide section sa kapulisan ug gipangbahin-bahin sa pagdestino ang mga personnel niini ngadto sa 11 ka police station nga mao nay gitahasan sa pagsulbad sa mga kasong tulis ug uban pang mga krimen nga mahitabo.
Apan si Police Colonel Engelbert Soriano, ang officer-in-charge sa CCPO, mibutyag nga iyang nabantayan nga daghang mga kaso sa tuli, lungkab ug mga pagpanglabni an wala mahatagi og kasulbaran.
Tungod niini nakahukom siya nga ibalik ang TRS sectin nga maoy mo tutok sa maong krimen ug susihon ang mga kaso nga wala pa masulbad.
“Tingnan mo ang statistics ng Cebu City ever since. Ang top three physical injuries, theft and robbery, tapos walang dedicated team to really counter it or mag imbestiga yung sa crime prevention.“
Iyang gipasabot nga mahimo na nga mo trabaho ang maong nga personnel bisan pa man nga wala pay opesina nga gihatag ngadto kanila.
Ang ilang kanhi buhatan ang ipaubos pa kini sa renovation tungod saka daan na sa mga dapat niini.
Kasamtangan sila nga dumalahon sa Investigation and Detective Management Branch.
Dugangan pa usab ni Soriano og mga personnel gikan sa mga police station nga aduna nay kasinatian sa investigation.
Lakip sa iyang ibalik ang homicide section nga mao usab ang gitahasan nga mosulbad sa mga kaso sa pagpamusil dunggab ug uban pang krimen.
Samtang giplano usab sa bag-ong hepe sa Police Regional Office 7 Police Brigadier General Albert Ignatius Ferro nga ibalik niya sa tulo ka shift ang duty sa mga police.
Nakita niya nga dili na kaayo epektibo ang mga police sa 12 ka oras nga duty tungod sa kakapoy na niini.
“Nakikita ko kase ang economy of force, meaning kailangan ng ating pwersa na relatively healthy and strong. Ngayon kung sinobrahan nyo silang sobrang kapoy na sila di na sila magiging effective,” matod ni Ferro.
Sa pangutana kung dili pa maapektohan ang gidaghanon sa mga police nga makita sa karsada, matod sa heneral nga labing maayo pa nga gamay lang ang mga police nga nag-duty nga abtik itandi sa daghan nga dili na makadakop og criminal tungod sa kalapoy na sa lawas.
Gihangop usab kini sa mga police sa dakbayan sa Sugbo tungod kay aduna na unya silay panahon sa ilang pamilya.
Gawas pa matod sa usa ka police nga dili magpa hingalan nga bisan naka off duty sila police pa gihapon ang ilang trabaho nga kung adunay mga insidente nga mahitabo sa ilang lugar andam sila nga motubag sa alarma. (AYB)