Nangawat og motorsiklo gidakop sa katawhan

DAKPAN pinaagi sa citizen’s arrest ang usa ka lalaki human suspek sa pagpangawat og motorsiklo niaging adlaw siha sa Purok 5, Brgy 18-A, Gingoog City.

Usa ka baker sa Arbees Bakeshoppe nga si Arnel Galleram, 27, taga Barangay Eureka, Gingoog City ang ni-report sa kapolisan human ang iyang motorsiklo gikawat sa suspetsado nga giilang Mark Gil Mediante, 19, taga Barangay 18A.

Sa imbestigasyon sa Gingoog Police Station, nasuta nga kining biktima nagsakay sa iyang motorsiklo sa Barangay 18 ug gi-parking ug gibyaan iyang motorsiklo nga nabiyaan ang yabe niini.

Apan sa iyang pagbalik, gisakyan na sa suspek ang iyang motorsiklo hinungdan iya kining gigukod gamit ang motorsiklo sa iyang igsuon.

Pagdangat sa Barangay 20 sa maong siyudad, duol sa usa ka gasoline station ila kining nasapon ang suspek hinungdan nakahunong kini. Samtang ang kauban sa suspek nga giilang si alyas Rafsoy ang nakasibat human sa insidente.

Nadakpan pinaagi sa citizen’s arrest ang suspetsado ug gidala sa police station lakip sa narekober sa posisyon niini ang usa ka motorsiklo. Nasuta sab nga si Mediante suspek sa pagpanigbas patay sa usa ka Necomedes Fraies Antoque niadtong Enero 14, 2020.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph