SUPERBALITA CEBU

P5.8M shabu nasakmit

HULI KA. Si Roland Cabasaan, 38, ang nakuhaan og P4.5 million nga balor sa shabu atol sa gihimong buy bust operation sa nga operatiba sa Mabolo Police Station-4 niadtong Lunes sa gabii. Siya gihulagway nga high value target tungod sa gidaghanon sa iyang madistribute nga drugas. (Benjie Talisic)

KAPIN sa P5.8 million nga balor sa gidiling drugas ang nasakmit sa duha ka managlahi nga pagpang ronda sa gilusad nga anti-illegal drugs operation sa mga sakop sa Regional ug City Drug Enforcement Unit ug Philippine Drug Enforcement Agency -7, niadtong Lunes sa gabii sa dakbayan sa Sugbo.

Mao usab kini ang labing unang pinakadako nga kantidad sa drugas nga nasakmit sukad sa paglingkod ni PBgen.Albert Ignatius Ferro, kinsa maoy bag-ong pangulo sa kapulisan sa Central Visayas.

Pasado alas siete sa gabii hiniusa nga pagpangronda ang gihimo sa mga operatiba sa Regional Intelligence Division (RID) 7, Regional Drug Enforcement Unit (RDEU) 7 ug Philippine Drug Enforcement Agency (PDEA)-7 nga gipangulohan ni PCapt.Romeo Caacoy Jr. ug PCapt.Joeffre Grande.

Kini miresulta sa pagkasikop sa manag-uyab nga sila si Gerry Mullanida, 50, kinsa taga Conception St., Barangay Pasil ug ang giingong uyab niini nga si Cindy Marie Eniciula, 28, taga Barangay Pahina San Nicolas.

Ang duha gi-buy bust dinha sa ilang gipuy-an sa Unit 2, Sityo Bato, Barangay Ermita dapit sa gihimong evacuation center sa mga nabiktima sa sunog sa maong lugar. Ang duha nakuhaan og moabot sa P1.3 million nga balor sa shabu.

Matud ni Capt.Caacoy nga si Mullanida maoy ilang target. Giingon nga si Enicuila maoy tighatud sa mga drugas sa ilang mga suki.

Samtang pila lang ka oras ang milabay, laing tulo ka mga drug personality ang nadakpan sa laing pagpang ronda sa mga operatiba sa Drug Enforcement Unit sa Station-4.

Si PMaj.Dindo Juanito Alaras, hepe sa Mabolo Police Station, maoy nangu sa maong anti illegal drugs operation sa Sityo San Roque, Barangay Hipodromo, dakbayan sa Sugbo nga miresulta sa pagkadakop sa tulo ka mga drug personalities.

Ang mga nadakpan mao sila si Roland Cabasaan alyas Oni 38, target sa buy bust operation samtang ang laing duha mao sila si Rodel Dungog, 24, ug Eduardo Chavez, 45, pulos molopyo sa maong lugar.

Gibana-bana usab nga moabot na sa P4.5 million nga balor sa drugas ang nakuha gikan sa tulo.

Matud ni Alaras nga si Cabasaan ang bag-ong mamaligyaay ug pundohanan sa drugas sa Barangay Hipodromo human sa pagka dakop sa usa ka drug personality nga wala na nganli ni Alaras.

Dugang ni Alaras duna usab silay gisundan nga drug personality nga maoy supplier ni Cabasaan. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph