USA ka massage spa ang gironda niadtong Lunes sa gabii, sa hiniusa nga mga ahensiya sa kagamhanan.
Kini human nga madiskobrehi nga ang linahi nga pagmasahe ang ginatanyag sa mga masahista ngadto na sa ilang mga kustomer.
Ang mga sakop sa Women’s Children Protection Center (WCPC), Visayas Field Unit (VFU) nakig-ayuda sa CCPO, RIACAT-7, DOLE-7, DSWD-7 ug ang mga sakop sa Special Weapons and Tactics (SWAT)Team sa Cebu City Police Office sa maong pagpangronda.
Gipangulohan sa bag-ohay lang milingkod nga labaw sa WCPC nga si PLtcol.Raul Bolido, ang ronda gihimo sa usa ka massage Spa sa dan 3 Mactan, Ayala Access Road, sakop sa Barangay Hipodromo, siyudad sa Sugbo. Unom ka mga masahista ang naluwas samtang duha ang nadakpan kinsa maoy nagduma sa clinic.
Giila ni Ltcol.Bolido ang mga nadakpan nga sila Darling Guston ug Mary Craze L Davidas, pulos mga hingkud ang edad ug maoy nagduma sa trabahoan.
Matod ni PLtcol.Bolido sa WCPC, VFU nga ang unom ka mga masahista biktima sa human trafficking. Moabot ngadto sa P3,000 o pataas ang bayad sa mga kustomer.
Dugang ni Bolido nga usa ka impormasyon ang ilang nadawat kalabot na linahi nga pagmasahe ngadto na sa ilang mga kustomer hinungdan nga mipahigayon sila sa maong operasyon.
“Meron tayong undercover agent na sila ang nagkunwari mga kustomer hangtud na nga dihang positibo ang maong impormasyon gilusad na ang maong operasyon sa naka estandby nga mga operatiba. “Ang paraan kasi nila through online. Ang gagawin mo lang bibisita ka sa kanilang website hanggang sa tuloy-tuloy na ang transaction nang kustomer at yong tumatangap nang mga tawag”.
Giingong usa lang ka gihimong transaction business ang maong spa sa Barangay Hipodromo ug sa online lang ang transaksiyon.
Sa mga nakahibalo na, moderitso na lang sa maong dapit isip walk in customers ug ipadala na lang ang mga babaye nga maoy moserbisyo.
“Etong Masahi Spa dito ginagawa lang etong parang dito lahat nang mga babaye nila naka stay-in at kung merong booking eto ay ihahatid sa inyo kung saan ang hotel mo.”
Nuro Massage maoy tawag sa ilang serbisyo basi sa mga pangangkon sa duha ka mga dinakpan.
Ang unom ka mga babaying masahista anaa karon sa kustodiya sa Department of Social Welfare and Developement diin ipadayon usab ang pagsukit-sukit ngadto kanila.
Ang duha ka dinakpan apil ang tag-iya mag atubang og tukmang kaso nga ipasaka sa mga hingtungdang ahensiya. (BBT)