MAO na to?
Mao siguro ni imong masulti human nimo natan-aw ang ikatulong offering sa movie tandem nila ni Bela Padilla ug JC Santos nga “On Vodka, Beers, and Regrets”.
Pwede bawion ang bayad?
I’m sorry, pero ang unang duha ka salida ni JC ug Bela, nihatag og maayong impression sa kadaghanan sa sakit nga ihatag niini sa mananan-aw.
Apan lahi ning bag-ong salida nila. Kalas ba sa kwarta kay wala’y padulngan ang estorya.
Daghang wala gipakita nga susama og ikaw nga mananan-aw mao ang pahatagon sa imohang bersyon niining karakter nila.
Si Bela nidala sa role ni Jane Pineda, usa ka child star nga naabot na sa panahon nga nawagtang na ang sidlak sa iyahang career sa show business.
Palahubog si Jane tungod sa mga nadangatan niya sa iyahang kinabuhi. Laliman ka 9-anyos palang siya dihang nagsugod siya og inom. Tungod sab ni sa impluwensiya sa iyang amahan nga palahubog nga namatay na.
Si JC kinsa nidala sa karakter ni Francis, bokalista sa usa ka banda.
Sa usa ka bar unang nagkita sila ni Jane ug Francis. Crush ni Francis si Jane sukad hayskul pa sila.
Susama siguro sa kadaghanan ang opinyon ning tagsulat nga taas ang expectation sa maong salida tungod sa kaanindot sa trailer niini.
Paresan pa sa aktor ug aktres nga labing maayo sa ilahang henerasyon.
Apan daghan og gisakrepisyo ang writer ug direktor nga si Irene Emma Villamor.
Gawas nga hanging ug wala’y matawag nga climax, aduna’y gi-cut nga scenes nga nigawas sa trailer apan wala sa aktual nga pelikula.
Sa mga fans sa duha, sorry to disappoint pero mao na siguro ni ang uwahing salida sa duha. Bati ilahang ending. Bati gyud!
Naa gyuy REGRETS ighuman nimog tan-aw.