NAGPABILIN gihapon ang prankisa sa New York Knicks nga maoy kinamahalan sa National Basketball Association (NBA) sulod na sa lima ka sunodsunod nga katuigan.
Ang Knicks mobalor na og $4.6 billino, matod pa sa Forbes.
Sa tinuig nilang rankings, ang Forbes mibutyag nga ang franchise value sa Knicks misaka og 14% sa niaging tuig ug miabot na ang average nga value niini nagdto sa $2.12 billion.
Nagsunod ang Los Angeles Lakers sa ranking nga may P4.4. Ang mikompleto sa top five mao ang Golden State Warriors ($4.3 billion), Chicago Bulls ($3.2 billion) ug Boston Celtics ($3.1 billion.
Ang defending champion Toronto Raptors misaka og 25 % ang balor sa franchise ngadto sa $2.1 billion.
Nalakip na sila karon sa top 10 sa rankings. (JBM)