MIPAHUNGAW sa iyang gibati si Digos City Lawyer Councilor Reynaldo Hermosisima pinaagi sa usa ka "privilege speech" sa konseho human siya gipasanginlan nga maoy nagpaluyo sa pagpang-harass kang Konsehal Victoriano Cadungog di pa lang dugay.

Si Hermosisima ug Cadungog pulos nanimpad alang sa pagka-bise mayor sa dakbayan ilawom sa Nationalist Peoples Coalition (NPC) ug sa Nacionalista Party (NP).

Sa nakuptang kopya sa Sun.Star Superbalita, sa minuto sa ilang sesyon niadtong Huwebes, ang unod sa privilege speech ni Hermosisima nagkanayon nga gikondena siya sa mga sakop sa Digos Death Squad (DDS) kinsa giingong nagpaluyo sa mga kasong pagpamatay sa dakbayan.

"I was condemned without the benefit of a trial," pung niini.

"My heart and mind bears not an iota of bad intentions against Councilor Victoriano Cadungog. So, I can look at him straight to the eyes for my conscience is clear," tataw niya.

Matod ni Hermosisima nga wa lang siya masayod nga kadugo niini si Cadungog gawas nga iya kining "Kumpadre" ug suod nga higala.

"What I feared for is that something would happen to Cadungog, my name will be dragged into it. I won't mind if my life will be endangered as long as the lives of my political rivals are safe since election is just a one-day affair and I could not afford to destroy my relationship with them because of that election," niya pa.

Nakapangutana si Hermosisima kun nganong gilambigit siya ni Governor Dodo Cagas nga nagpaluyo sa DDS.

"Most of us knew that Rico Condeno, alias Tisoy, a known DDS was killed while was working for Cagas. Now, who is coddling killers?" pangutana niya sa iyang mga kaubanan sa konseho.

Gihisgutan sab sa konsehal ang mga ngan nga Ali, Michael, Celio, Elmer ug Robert.

"I know who they are. I personally know them. In due time I will reveal to the public who is behind the move to assassinate some media practitioners in Davao del Sur. Although, I am putting my life in danger with these revelations but I have to tell the truth to regain the integrity of my name," bahad ni Hermosisima.

Gidugang sab niya nga 'partners' sila Cagas ug Crispino sa inilang negosyo nga Dragon Feeds Corporation.

"You should be aware of that Honorable Cadungog so that you will not be surprised about it," panapos niini.

Sa pakighinabi ngadto kang Cadungog niadtong Biyernes, giangkon hinuon niini nga kadugo niya si Hermosisima.

"Yes we are distant relatives pero kung moingon nga dili ako ang ma-vice candidate ni Gov, well that's intriga coming from the camp of political opponent," ni Cadungog pa.

"In fact, gipatas-an na nako among kural sa balay kay nakadawat ko og mga death threat nga bilang na daw ang araw ko, ultimo gani mga media nga nag-cover sa amo, gipanghulga sab," ni Cadungog pa.

Aminado si Cadungog nga gihugtan na sab niya ang iyang seguridad ug gani gipa-blotter na niya ang mga hulga didto sa Digos City Police Office.

"I did not tell Dodo about the threat I'm receiving, dugay na ko sa pulitika kay ako gani mismo nakadawat ko og info nga si Hermosisima gilubot sab na siya ug sugod karon sa iyang mga kauban ing-ani lang man ang pulitika ba," dason niya.

Gilimod sab niini nga nausab na ang dagway sa ilang panag-uban sa konseho nunot sa posisyong pareha nilang gidamgo.

"He is my student (Hermosisima) in college, but for me wala ko nausab sa akong pagtagad niya, the same friend, maestro ko niya, paryente ug higala. Ang ako lang naningkamot sab ko sa kausaban 2010," matod ni Cadungog.

Hinuon, si Cagas sa iyang gipadalang text message human gipangutana sa Superbalita sama sa gihapon gikataw-an lang ang mga pamahayag sa iyang mga kaatbang.

"Wala ko kahibalo ug kadungog. Pildihonon man na sila. They are doing and saying a lot of falsehoods at my expense to raise their plunging acceptability," si Cagas pa.

"Di ko kasi sila pinapansin kaya nasasaktan," matud sa gobernador nga mibahakhak og katawa.

Sayo niini, nipatawag og tigom ang simbahang Katoliko sa Diocese of Digos ngadto sa militar ug kasundaluhan ug gilagdaan ang "peace covenant" alang sa malinawong eleksyon.

Apan, daw namatikdan karon nga mas nagkainit ang isyong pulitikal sa probinsya human nagsugod na og binatuhay og lapok ang mga pulitikong nanagan bisan sa Marso 26 pa pormal nga magsugod ang kampanya sa mga nanagan sa lokal nga posisyon. (Orlando B. Dinoy)