SUPERBALITA DAVAO

PCCL VisMin apektado sab sa Covid-19

DAVAO. Ning file photo, makita ang magduduwa sa Holy Trinity College of General Santos City nga mipasud sa bola atol sa championship match sa Philippine Collegiate Champions' League/Escandor Cup. (File photo)

HUMAN sa 3rd Alveo Ironman 70.3 Davao nga nausab ang iskedyul gikan sa Marso 22 ngadto Mayo 10 tungod sa novel coronavirus disease (Covid-19), laing duha ka dagkong kalihukan, Philippine Collegiate Champions' League (PCCL)/Escandor Cup Vis/Min Regional Championship ug PCCL National Finals, nga himuon dinhi sa Davao City, na-postponed sab ug di pa matino kanus-a kini subling himuon.

Sa pahayag sa Samahang Basketbol ng Pilipinas (SBP)-Davao, pinaagi sa Collegiate Sponsors League/Escandor Cup Facebook page, gisulti nilang: "We are sorry to announce that the Vis/Min and National Finals will be postponed until further notice amid the coronavirus (2019-nCoV) scare. Please be guided, thank you."

Si SBP-Davao operations head Ronel Leuterio, sa Facebook chat, Miyerkules, nagkanayon: "Postpone na kasi ayaw na ni (Mayor) Sara ng large gathering."

Ang VisMin regional finals naunang nakaiskedyul Pebrero 17 ngadto 20 sa Almendras Gym Davao City Recreation Center, samtang ang national finals pagkasunod semana.

Ang PCCL Mindanao nine-peat champion Holy Trinity College of General Santos City uban ang second ug third placers Mats College of Technology ug Holy Cross of Davao College Crusaders miabante sa VisMin regional finals uban ang Visayas-Southwestern University Cobras, University of the Visayas Green Lancers ug Asian College of Dumaguete.

Samtang si Sunrise Events Incorporated general manager Princess Galura, sa pakighinabi sa SunStar Davao, nagsulti nga ang pagpostponed sa Alveo Ironman 70.3 Davao inisyatibo sa City Government of Davao.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph