SUPERBALITA DAVAO

Bomb expert sa BIFF napatay

DAVAO. Gamit sa paggama sa bomba gikan sa napatay nga bomb expert. (EEF)

PIKIT, North Cotabato -- Usa ka bomb expert sa Bangsamoro Islamic Freedom Fighters (BIFF) ang napatay atol sa pinusilay tali sa militar alas 7:45 sa gabii, Miyerkules, Pebrero 12.

Giila ang napatay nga si Katato Samad, sakop ni Shiekh Esmail Abulmalik alyas Kumander Abu Toraife sa BIFF-Isis Inspired Group.

Samdan sab ang laing duha pa ka kauban nga sila alyas Tato ug Mursid nga nakaipsot sa mga awtoridad.

Sa taho gikan sa 602nd Brigade sa Philippine Army, nasayran nga nasiplatan ang mga suspek nga nagtago sa payag sa Sitio Blah, Barangay Manaulanan sa nahisgutang lungsod ug gisulod dayon sa mga sakop sa 7th Infantry Battalion.

Apan gipaarakan dayon ang mga militar sa mga terorista, hinungdan nga nahitabo ang bahug-bahog ug napatay Samad samtang nakaipsot ang duha niya ka kauban nga samdan.

Narekober sa mga sundalo ang duha ka improvised explosive device (IED), duha ka 81 mm Projectile, mga gamit sa paghimo og bomba, lakip na ang usa ka motorsiklo.

Ang grupo ni Samad maoy gitudlo nga suspek sa mga nakalabay nga pagpamomba sa mga transmission tower sa National Grid Corporation of the Philippines sa probinsiya.

Sa pikas bahin, nisurender sab sa militar ang laing tulo ka mga sakop sa BIFF sa probinsiya.

Gipresenta ang mga nisurender alas 11 sa buntag sa maong adlaw nga sila Terek Nao, Tato Bantas, ug Tatowan Gandawali nga mga sakop sa Dawlah Islamiya Terror Group sa BIFF.

Gibutyag ni 602nd Brigade Chief Brigadier General Robert Capulong nga misurender ang tulo ngadto sa 7th Infantry Battalion, Philippine Army sa Kabacan.

Dala sa mga nahisgutan ang usa ka .50 caliber Barret sniping rifle, usa ka M79 grenade launcher, usa ka 9 millimeter machine pistol, mga bala ug duha ka improvised explosive device. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph