SUPERBALITA CAGAYAN DE ORO

Kagubot sa pamilyang Yanson dili apektado ang riding public

(Steph V. Berganio)

GIPANIGURO sa pamilyang Yanson nga dili apektado ang publiko sa bangi sa ilang pamilya karong panahona.

Kini ang gibutyag sa upat ka magsuong Yanson nga sila Rey, Ricky, Emily, ug Celina o mas nailang Yanson 4 sa ilang paghidangat sa dakbayan sa Cagayan de Oro.

Ang pamilyang Yanson maoy nanag-iya sa mga bus companies nga nag-operate dinhi sa nasud sa Pilipinas sama sa Ceres Liner, Mindanao Star, Bachelor Express, Rural Transit Mindanao Incorporated (RTMI) nga nagbiyahian dinhi sa pulo.

Atol sa press conference nga gipahigayon niadtong adlawng Miyerkules gipaabot sa upat ka magsuon nga nagkalamat ang ilang pamilya tulo ka tuig gikan namatay ang ilang amahan nga si Ricardo Yanson Sr., ug taliwala sa mga pagsuway ug rekonsilasyon nagkasohay sila karong panahona tali ra usab sa ilang duha ka igsuon nga mao sila si Leo Rey Yanson, Ginette Yanson ug inahan nga si Olivia nga giingong anaa nidapig sa kampo sa duha nga mao na usab karon ang nidumala sa kompanya.

Ang mga kaso nga gipasaka sa matag kampo ang anaa na sa korte karon panahona ug wala na kaayo nila gihisgotan likay sa subjudice.

Gipaabot sa magsoun nga sa wala pa namatay ilang amahan nakalatid sa ilang family constitution ug nauyonan sa tibouk pamilya nga patas ang shares ang ilang madawat apan giingong gibakwi kining tanan ug ang nahitabo nawad-an ang upat ka magsuon og shares karon panahona.

Gipaabot sa magsuon ilang dakong pagrespeto sa inahan apan ila sab giingon nga unta respetuhon sab ang legasiya nga gibilin sa ilang mipanaw nga amahan.

“We love our mom, we still respect her as mother, but you know they have also to respect the legacy of my Dad, and it also hurt and pains us that the third generation they also files cases against them, so yun masakit din sa amin iyon. Yong legacy ni Daddy they also respect,” pahayag ni Emily.

“What can I say with our mom and our relationship? We respect her, we love her. My mom is very lovable lady. What can I say about this case is we are just fighting for what is right. We are not fighting, we don’t want our mom to be hurt but we have to fight for what is right, How many years already it was agreed upon by all not by the four of us, not the six of us but all of us, including my mom and now they are already twisting and they don’t want to recognize the agreement,” matud ni Ricardo Jr.

Giklaro usab sa upat ka magsuon nga taliwala sa kagubot sulod sa ilang pamilya dili apektado ang mga riding public.

Kuyog sa press conference ang legal counsel sa Yanson 4 nga si Phillip Sigfrid Fortun kinsa niingon nga ang makadesisyon niining tanan mao ang korte lamang.

“They may claim what they want to claim but at the day’s end the court will decide. But one thing is certain, they (Yanson 4) has the numbers the other side doesn’t,” sulti ni Fortun.

Adlawng Miyerkules nagpahigayon sab og annual stockholders meeting ang RTMI Inc. sa Seda hotel ning siyudad kon diin gi-preside kini ni Roy Yanson ug gitambongan sa majority stockholders nga moabot og 61.17 percent sa capitol stock.

Samtang laing stockholders meeting sab ang gihimo sa kampo ni Leo Rey Yanson didto sa buhatan sa RTMI Inc sa Bulua ning siyudad nga gitambongan sab sa igsuon ug inahan niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph