SUPERBALITA CAGAYAN DE ORO

‘No take policy’ suportado sa kapulisan

GIPASALIG sa kadagkoan sa Cagayan de Oro Police Office (Cocpo) nga ilang imbestigahan kung dunay mga madawatang report kalabot na sa pagkalambigit sa pulis sa ilegal nga kalihokan dinhi sa dakbayan sa Cagayan de Oro.

Gimando ni Chief PNP Police General Archie Gamboa ang “no take” policy diin gihingusgan ang baruganan sa kapulisan nga dili molambigit sa ilegal nga mga kalihokan labi na sa mga pagdawat og mga kotong o suhol gikan sa ilegal nga kalihokan aron nga magpadayon kini sa usa ka lugar.

Atol sa press conference gibutyag usab ni Police Colonel Henry Dampal, city director sa Cocpo, nga ilang gipadayag ang ilang tibuok ug hugot nga suporta sa kamandoan sa ilang labaw.

“As the City Director of Cagayan de Oro City Police Office, I adhere and fully support the Chief PNP’s campaign on illegal gambling, illegal drugs and other unscrupulous and dubious activities and adhere to the chief PNP’s no take policy,” matud ni Dampal.

Gidugang pa niini nga ang kapulisan sa Cocpo wala gitugotan ang mga ilegal gambling nga kalihokan dinhi sa siyudad.

Giingong kini nga kamandoan dugay na nga gihimo sa kapulisan tungod kay dili kini maayo nga magdawat ang kapulisan bugti sa pabor nga gipangayo labi na kung ilegal.

Nagpahimangno usab kini sa kapulisan nga dili molambigit sa bisan unsa man nga mga ilegal nga kalihokan labi na sa korapsiyon o pagdawat sa mga suhol o kotong gumikan kay dili sila magmakuli sa pag-imbestiga niini ug paghimo og legal nga mga lakang.

“This is also a reminder to all of our officers both PCOs and PNCOs to never involve to this illegal activities and of course if we received reports relative to this we can assure the public that there must be an investigation conducted to this personnel,” dugang niini.

Posibleng mag-atubang og kasong administratibo ug kriminal ang personahe sa kapulisan nga mapamatud-an nga sad-an.

“Hopefully, sana wala,” matud ni Dampal.

“From the moment nga gi-pronounced, gi-remind sana nagtanda na sila didto moundang kung naa man,” dugang pa.

Giklaro usab niini nga maayo man ang kapulisan sa Cocpo ug gani walay mga nalambigit niini nga susamang kalihokan o korapsiyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph