NAPATAY sa mga kasundalohan ang usa ka giingong sakop sa Communist Party of the Philippines-New People’s Army (CPP-NPA) diin gibiyaan lang atol sa engkwentro nga nilungtad og 15 minutos niadtong Pebrero 12 sa KM 17 Barangay Besigan ning siyudad sa Cagayan de Oro.
Wala pa kini maila karong panahona.
Nahitabo ang engkwentro tali sa New People’s Army (NPA) ug tropa sa 65th Infantry (Stalwart) Battalion atol sa gipahigayon nga security operation sa mga sundalo.
Human sa engkwentro narekober ang patay nga lawas lakip na ang duha ka M16 riffles, usa ka M4 carbine, usa ka bandolier nga dunay lima ka magazines nga kargado og (137) rounds sa 5.56mm ammunition, duha ka backpacks nga sulod ang mga personal nga gamit ug mga nagkadaiyang medical supplies.
Nasayran nga gilusad ang operasiyon alang sa seguridad sa katawhan human nga nakadawat og impormasiyon ang kasundalohan gikan sa mga residente sa Barangay kalabot na sa maong terorista nga nikanaog ug nangayo og mga suplay sa pagkaon.
Nagpasalamat usab si Lieutenant Colonel Benjamin Pajarito, commanding officer sa 65IB, sa mga nagpakabanang katawhan nga naghatag kanila og impormasiyon ug gikasubo usab niini ang kamatayon sa susama ra gihapon nga Pilipino.
“The success of our operation was due to the cooperation of everyone in the community who are fed-up on the deceptive tactics of these terrorists threatening the peace and security, and the unwavering efforts of our troops in securing the communities in our AO. Unfortunately, we are saddened on the death of one CPP-NPA terrorist during this encounter, who could have availed of the governments’ E-CLIP instead if he decided to surrender,” pahayag ni Pajarito.
Gi-aghat usab niini ang uban nga mokanaog na og pahimuslan ang tabang sa gobyerno ug maghiusa sa pagsugpo niining dugay na nga panagbingkil.