SUPERBALITA CEBU

Sikyu nga may warrant sa rape, nadakpan

NADAKPAN: Si Hilario Bajenting gieskortan sa mga sakop sa Cebu City Mobile Force Company human masikop sa kasong rape. (Arnold Y. Bustamante)

NASIKOP sa mga sakop sa Cebu City Mobile Force Company ang usa ka 51 anyos nga gwardya human malotsi og warrant of arrest sa kasong pagpanglugos.

Ang nadakpan giila nga si Hilario Bajenting, taga Basubas st., Barangay Tipolo, Siyudad sa Mandaue.

Ang Regional Trial Court (RTC) Branch 89 sa Dakbayan sa Mandaue niluwat sa arrest warrant nga gipirmahan ni Judge Lucila Cad-Enhambre kang Bajenting sa kasong rape.

Ang korte nitugot og P200,000 nga piyansa alang sa temporaryong kagawasan ni Bajenting.

Matod ni Police Lieutenant Colonel Randy Korret, hepe sa CMFC sa Cebu City Police Office nga niadtong Okctobre 2019, gipasanginlan si Bajenting nga nanglugos sa 4 anyos nga batang babaye sa caretaker sa bodega sa Barangay Cubacob.

Human mogawas ang warrant, nakig alayon dayon ang kapulisan sa Pyramid Security Agency nga nahimutang sa Englis V. Rama, Barangay Guadalupe, Siyudad sa Sugbo, nga mao na usab ang mipatawag kang Bajenting.

Hugot nga gihimakak ni Bajenting ang pasangil.

Samtang usa ka babaye nga adunay pending warrant of arrest sa siyam ka ihap sa kasong estafa adakpan usab sa CMFC sulod sa iyang apartment nga nahimutang sa Barangay Tisa, Dakbayan sa Sugbo.

Ang nadakpan giila nga si Jessica Faelnar Valdez, 38, lumad nga taga Val Pino apartment sa Upper Linao, lungsod sa Minglanilla.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph