SUPERBALITA CAGAYAN DE ORO

‘Angkas’ gitakdang mobalik operasyon na

HINGPIT na ug legal ang pagbalik operasyon sa mga anaa sa 807 ka unit sa ride-hailing motorcycle taxi labi na ang “Angkas” human lakip na ang dakbayan sa Cagayan de Oro sa implementasiyon niini nga transportasiyon.

Anaa sa 1,000 ang mga slots sa matag ride-hailing taxi nga gitugot diin tulo ka player nga naglangkob sa Angkas, Joyride, ug Movelt.

Ang Joyride ug Movelt wala pa dinhi sa siyudad.

Gikompirma ni regional director Aminoden Guro sa Land Transportation Franchising and Regulatory Board (LTFRB) nga gitugotan na kini nga magdagan dinhi sa dakbayan.

“Cagayan de Oro is now included in the pilot implementation for the operation of this ride-hailing motorcycle taxi so itong locally named Angkas, pinayagan na sila, sa Cagayan de oro we’re given 3000 slot so meaning to say tatlong players, itong angkas, joyride and movelt, tig 1000 sa kanila,” matud ni Guro.

Gidugang pa niini nga nakasumiter na og listahan ang Angkas sa wala pa ang deadline niadtong Pebrero 12 tungod kay ang pakyas nga magduso sa maong listahan dili dawaton sa technical working group (TWG) DOTr Manila.

Sa pagsulat niini nga balita wala pa nakadagan pagbalik ang Angkas tungod kay nagpaabot pa og order gikan sa TWG ang buhatan sa LTFRB aron nga hingpit na ang ilang operasiyon ug susihon una ang mga unit nga ilang gipasa kung tukma kini sa mga aktwal nga magdagan.

“They paid courtesy on me giving me the hard copy of the list, 807 motorcycle so ito yung subject for inspectiondi natin pwdi ipatatakbo ito hanggang di natin makita kung itong sina-submit nila tugma sa actual unit na ibabiyahe nila,” dugang pa.

Nasayran nga ang listahan nga giduso anaa ang numero sa mga drayber, pangalan, address, lisensiya.

Nagsuhestiyon usab kini nga butangan og numero ang mga sakyanan aron nga masuta kung pila ka mga unit sa Angkas ang nagdagan.

Babagan

Samtang gisupak kini sa P.N. Roa Canitoan Transport Cooperative (PNRCTC).

“Dili gyud namo na sila ipadagan diri, hunahunaa lang we are on the process of modernizing our sakyanan so naa gyud lugar sa amo nga mag 24 hours mi para ma cater namo ang mga pasahero sa panggabii, na karon maka-affect na sa among operation,” matud ni Lalaine Escobidal, ang transport group chairwoman sa PNRCTC.

“Kami dili man mi molarga og dili mi mapuno naa mi quota dili man pwedi nga ipalarga namo ang sakyanan kung dili mi makaabot sa among minimum nga dapat mosakay sa among unit kay dako biya mi og tubil kung mag exist na sila which is wala silay franchise sa LTFRB siyempre ang pasahero dili na makahulat,” dugang niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph