IMBES nga sa Sabado, Pebrero 15, gisibog kini ngadto na sa Lunes, Pebrero 17. Kini gipahibalo ni Jonathan Tumulak, ang pangulo sa City of Talisay Traffic Operations Development Authority (CT-TODA).
Pahibawo ni Tumulak sa Superbalita nga Huwebes sa hapon, Pebrero 13, nanawag ang taga LTO kanila pagpahibalo nga kinahanglan nila nga mohimo og maintenance sa ilang sistema, ilabi na sa E-Patrol nga programa karong Sabado.
“Tanan nga serbisyo, ang pa-lisensya, renewal man o bag-o, ug kuha rehistro sa sakyanan, ang ma-avail gihapon karong Lunes. Dili ta kapugos nga himuon karong Sabado, kay maintenance mana sa ilang system,” saysay ni Tumulak sa Superbakita Cebu nga sugod niadtong Miyerkules sa hapon, Pebrero 12, nihimo og rekorida ang taga CT-TODA ilabi na ngadto sa mga sakop sa asosasyon sa habalhabal drivers nga mo-avail niini.
Kay padayon nga problema sa CT-TODA nga daghan sila masikop nga mga habal-habal driver nga walay lisensya, walay rehistro ang maong motorsiklo.
Kini alang na usab sa uban pang motorista ug nanag-iya’g mga sakyanan nga usab marehistro.
Sa E-Patrol mahimo usab nga mokuha og Student Permit (SP), ang LTO-7 ang adunay dala na nga mga doktor nga mohatag og medical certificate ug mopahigayon sa drug testing nga usa sa mga rekisitos.
Anaa usab ang mobile emission ug insurance processing, diretso na usab dinhi ang printing sa driver’s license card nga adunay validity sud sa lima ka tuig, dugang ni Tumulak sa pakighinabi sa Superbalita Cebu. (FMD)