TULO ka mga tawo ang gipamusil sa managlahing mga oras ug dapit sa Dakbayan sa Sugbo sa Huwebes, Enero 13, 2020.
Usa ang patay samtang duha ang angol, usa ini kritikal.
Si Police Senior Master Sergeant Jolito Elarcosa, imbestigador sa Pardo Police Station, niingon nga ang mga pagpamusil nagsugod sa alas 9 sa buntag.
Unang pagpamusil nahitabo sa Sityo Little Hawaii, Barangay Cogon Pardo, diin ang biktima mao si Pejay Mabaga, 31, tindero og taho, lumad nga taga Santa Ana, Manila. Si Mabaga naigo sa walang dughan ug walang tuhod hinungdan sa pagkamatay diha-diha. Ang gunman wa mailhi.
Si Elarcosa niingon nga hayan naalaan si Mabaga nga police asset.
Mga ala 1:45 sa hapon, naangol si Jomel Espinosa, hingkod, sa Sityo Abangan, Campo Drive, Barangay Inayawan, Siyudad sa Sugbo human pusila sa usa ka Onyok.
Personal nga bangi ang gitan-aw sa kapulisan.
Mga alas 5 sa hapon, si Jolen Sortigosa, 30, gipusil sa usa ka barangay tanod sa Inayawan nga giilang si Eddie Abapo samtang naglung-ag og panihapon.
Si Abapo nitahan samtang si Sortigosa kritikal nga gidala sa tambalanan. (BBT)