SA MGA walay ka-date kagahapon sa Valentine's Day, merisi, este swerte kay walay gasto. He he. JOKE lang po. Maayong adlaw!
Bitaw, unsay mga panghitabo sa inyong life kagahapon? Importante pa bang iselebrar ang Valentine's Day alang sa mga tiguwang nga padayong nag-inusara, hamtong nga "in a relationship gihapon," minyo o biyuda? Sa mga nangatul o kerida, gilangaw ba mo kay naa sa "original" ang inyong lover o nakaguba mog dughan kay perti ninyong deytdeyt samtang nagpaabot ang legal husband or wife?
In life, kanya-kanya kita og diskarte. For 13 years, wala man koy keke (boypren) mao ako lang gayud baby kaniadto nga 15 years old son na karon ang pirming ma-deyt. Kaon ra gayud ug dula among tirada. Medyo gasto kay mangaonay ming duha apan makalipay kaayo sa akong alaga.
So, sa mga nagsolo o opisyal nga naglabinglabing sa ilang mga kapikas, belated Happy Valentines' Day! Sa mga nagpabiling kabit, undangi na ninyo na kay nasayod kita nga mali na. Magsugod tag tarung nga relasyon, ug paningkamutan nato kining palungtaron, Okay? Peace!
Ayaw lang god mo'g kasuko kay tininuod man ning ako. Dili lisensya ang atong pagbati, aron makigdula og panit sa usa ka tawo nga legal nga minyo.
Naa god poy nangailad... naa poy mga ilarunon, apan sa bisan asa ka nga sitwasyon, pwede ra kaayo mobangon igsuon sama ra pod sa akong nasudlan nga relasyon kaniadto nga sipyat, igsuon. Ang mali ay mali. Kung naay higayon nga atong ihusto, mas maayo.
Sa seryosong istorya, pagminyo kung dili na nimo kayang pugngan ang uwag, higala. Both guilty ang babaye ug lalaki niini kay pareho kitang adunay pisikal ug pisyolohikal nga mga panginahanglanon... wala pay labot ang sikilohikal diri, igsuon.
Pangutanaha ninyo ang mga tawong ning tungtong og edad kwarenta pataas (mid-life crisis stage) kay ningbalik ug mas ningtaas pa seguro gani ang gana sa SEX. Kana god feeling dalaga o ulitawo nga motaas ang "libido" o ganahan sa panghilawas mao gawas sa original, madampa sa lain.
Seriously, klaruhon nato nga dili "sex" ang sentro sa Valentine's Day. Sa history, ang pagkamanggihatagon ug ang kagustohan sa pagtabang sa mga nanginahanglan ang sinugdanan niini. Nahimong adlaw sa mga "lover" kay siyempre, kung love nimo ang usa ka tawo, natural nga hatagan nimo siya og mga maayong butang.
Ambot nganong gituis kini sa kapalaran o ubang mga katawhan kay nahimo na kining adlaw sa pagpabutog mga uwag alang sa uban (dili tanan syempre).
Anyway, wala ko kabalo sa meaning sa V-Day alang kaninyo apan mao ni ang giingon sa mga taga Corinto 13: 4-7: Ang gugma mapailubon ug maluluy-on. Dili kini masinahon o tigpanghambog. Ang gugma dili mapahitas-on o bastos. Ang gugma dili mamugos sa kaugalingong kagustohan; ang gugma dili masuk-anon o madinumtanon. Ang gugma dili malipay sa daotan kon dili sa kamatuoran. Ang gugma mopailub, motuo, molaom ug molahutay gayod.