GIBUTYAG sa Samahang Basketbol ng Pilipinas (SBP) nga madayon ang pagsulong sa Gilas Pilipinas sa Indonesia karong Pebrero 23 alang sa first window sa Fiba Asia Cup qualifiers.
Hinuon, gikompirmar sa SBP nga nauswag ang pag-host sa Gilas Pilipinas sa Thailand nga gikatakda unta karong Pebrero 20 sa Smart Araneta Coliseum agi’g pagsanong sa sugyot sa Department of Health gumikan ning hulga sa coronavirus.
“At 7:55PM, SBP received word from FIBA Asia postponing the Philippines game vs Thailand on Thursday, February 20, 2020 in SMART Araneta in consideration of the Philippine Department of Health Advisory against,” opisyal nga pamahayag sa SBP.
“However, the game against Indonesia in Jakarta on Sunday, February 23rd will proceed as scheduled.”
Wala pa masayri kon kanus-a mapahigayon ang engkuwentro sa Gilas Pilipinas ug Thailand gumikan kay nagdepende pa kini sa isyu sa coronavirus.
Ang Gilas Pilipinas magpadayon sa ilang preparasyon alang sa ilang tahas sa Indonesia ubos sa paggiya ni interim coach Mark Dickel. (ESL)