ANDAM si Fil-Am Greg Slaughter nga moretiro og sayo ug hingpit nga talikdan ang basketball kon mao kini ang gikinahanglan aron makalikay siya nga mahimong paon sa Brgy. Ginebra Gin Kings alang sa usa ka pagbinayloay og magduduwa.
Usa ka kasaligang tinubdan nga suod ni Slaughter mibutyag nga nakadesisyon ang 7-footer nga magduduwa nga mopahuway una pagduwa sa Philippine Basketball Association (PBA) alang sa iyang tinguha nga mapugngan ang gihugonhugonang i-trade siya sa NorthPort Batang Pier.
Human gianunsyo Slaughter andam nga moretironi Slaughter ang iyang desisyon sa Instagram niadtong Sabado, matod sa tinubdan nga gikonsiderar na sab niini ang tanang mga opsyon lakip na niini ang pagretiro sa hingpit.
“Greg has a college degree and a fallback if ever he decides to retire for good,” matod sa tinubdan sa interbyu sa Spin.ph. “And yung father and mother niya are both engineers. Kaya I don’t think the financial issue would be a problem for him.”
Wala man tuod direktang giangkon ni Slaughter nga adunay kalambigitan sa iyang desisyon ang gihugonhugonang i-trade siya sa NorthPort baylo kang Fil-German Christian Standhardinger apan matod sa tinubdan nga tataw’ng nalain si Slaughter human niya kini nasayran.
Adunay taho nga sa wala pa gi-post ni Slaughter sa Instagram ang iyang desisyon, nakalarga na kining daan sa Amerika. (ESL)